Read Karbi LUN 24 Bible Online

LUN 24 - Karbi bible

LUN 24

¹Pirthe lapen la along kedo-an HEMPHU amarlo. Pirthe lapen la along kedo-an alangli marlo.

²Pirthe aber aklong alang athaksi la kimlo, lapen talopi aklong la aputa elo.

³HEMPHU Anglong komatsi arludampoma? La ahem Kangthir komatsi lutdampoma?

⁴Kam lapen aning kangthir atum an, lapen kumlin kardomde, mate chobei aseme kedengde abang.

⁵Lason aphan HEMPHU pahirjume lapen pajokji. Latum adai ave pu Arnam pachethangpo.

⁶Lason aratsi Arnam along kevang, Jakob a-Arnam angno kevang atumlo.

⁷O inghap-heihei nangphu chingthurnon, lapen hako pen kedo anghap-heihei chingpunon, lapen Rechokethe nanglutpo.

⁸Rechokethe komat-lo? La HEMPHU-lo, Kangtang lapen Jakongkethe a-Bang, HEMPHU-ke ron kehaithor a-Bang-lo.

⁹Nangtum aphu chingthurnon inghap-heihei hako pen kedo anghap-heihei chingpunon, lapen Rechokethe nanglutpo,

¹⁰La Rechokethe komat-lo? Kehaithor a-HEMPHU, La helo Rechokethelo!