Read Karbi LUN 25 Bible Online

LUN 25 - Karbi bible

LUN 25

¹Nangphansi O HEMPHU, ne kardom pajirlo;

²Nang ne-Arnam aphansi ne chiki. Kerem aketherak pen nepajoktha, Nehotur atum nephuthak ari pachardep-longri!

³Nangphan kechiki atum an along kerem vangve, bonta nangbe kethurkrap atum aphuthaksi vangji.

⁴Nang-tovar nethantha O HEMPHU! Halahei nepachinitha.

⁵Nang ahok ateng kerengthekjile nethannon, pima Nang ne-Arnam nepajok a-Bang, ne kaiketa nangphan chikilo.

⁶Chemathatha O HEMPHU, nang akangjinso lapen kechemitmepin akanghon, la nang aphrang penta paklangbomlo.

⁷Ne riso ahut apap-heihei lapen akelet-heihei nediyatha. Nang kechemitmepin akanghon, lapen akeme chemathatha HEMPHU!

⁸Pima HEMPHU ke dhoromi lapen mesen, papi atum kedam nangji atovar la thanlo.

⁹Chepabihek atum aphan la ahokpet atovar jalo, lapen kanghon pen jalo.

¹⁰La a-Kechejok Aloh, lapen ahukum kekroi an aphan. athikpet lapen kanghon pen jabomlo.

¹¹Nang kechak ateng klemnon HEMPHU, lapen nepap-heihei nediyatha, pima halahei dopik.

¹²HEMPHU aphan man kepi atum, latum kedam nangji atovar Alangli pen charlilongpo.

¹³Latum kaita chingthurpo, lapen latum asomar longle chepa hemphu longpo.

¹⁴HEMPHU-ke alangliphan kekroi an atum ajirpolo, lapen alangli akechechak latum pen alangli chepathirthupo.

¹⁵Aphongtin ta ne HEMPHU pensi kerap chohang-lo, lapen la nephan kesung pen pajok-lo.

¹⁶Nenat chetevartha HEMPHU, lapen ne ingjinsotha, pima ne inutvet lapen ainitilo.

¹⁷Ne keningri pen pangraitha, lapen ne kesung kedo-an pen nepajoktha.

¹⁸Ne keduk lapen kesung aphan langtha, lapen nepap kedo-an nediyatha.

¹⁹Langtha nehotur ko-an doma? Latum ko-an nelangselet-loma?

²⁰Neraitha lapen nepajoktha, kerem pen nepangraitha. Kejokji aphansi ne nanglong vang-lo.

²¹Ne keme lapen ahokpet-le neparai lonang, pima ne nangphan chikilo.

²²Halatum kedo-an akesung pen, O HEMPHU, Nangrat Israel aso aphan pajoktha!