Read Karbi LUN 26 Bible Online

LUN 26 - Karbi bible

LUN 26

¹Nedai ave pura pachethangnon, O HEMPHU, pima akechokpet an ne klemlo, lapen nangphan chikipamelo.

²Asat ne-entha lapen aporman ne-entha, HEMPHU ne kar-i lapen kematha ason ingsainon.

³Nang kechemitmepin akanghon pen nejalo; nang akekroithip pensi kaike jalo .

⁴Amokevangve arat atum pen ne pajirpopelo, kechobeichot atum pen chelanglelo.

⁵Kehingno amonit atum kejalang ne hijimlo lapen kehingno aphan langlelo.

⁶HEMPHU, nedai ave pu pachinijisi neri chechamlo, lapen nang-dovan akung kung karchojisi helat-lo.

⁷Kechoro kepi alun ne lunlo, lapen nang manghumeme akam an thanlo.

⁸Nang kedo ahem chinghon, O HEMPHU; hadak nangdak-nangtur dolo.

⁹Papi atum pen pen nepathirap-chom-ri, pran-karmut atum akopai pen nepajoktha.

¹⁰Latum kaita kehingno akam klemver, lapen tangka chover.

¹¹Nephan ke kopisi akechokma ne klemlo, ne ingjinsotha lapen nepajoktha.

¹²Ne kadokave akesung pen jok-lo; la arat kechingrum amei along HEMPHU aphan ropo.