Read Karbi LUN 27 Bible Online

LUN 27 - Karbi bible

LUN 27

¹HEMPHU ke ne kethe-ang lapen ne kejok, ne badu aphanta pherere. Kadokave akesung pen HEMPHU nerailo, ne kaita phererelo. Alangli nejakong lapen ne chethelo,

²Kehingno atum netengkheng, lapen nepathiji ahut latum patekung lapen klibup titi,

³nephan jongsi ron-armu nekompet seta, ne pherere, Hotur netengkheng seta ne Arnam aphan chikibomji .

⁴HEMPHU aphan ne eson hang-lo, ne esonnatsi kenangsotji; nekai rengtik an HEMPHU ahem dolongver nangji, hadak la akeme kelangji lapen la akeja kehangji.

⁵Kesung ahut la nepachongji; la Kardomhemthepi along jokvan pen nebiji, lapen arlong kangtui athak nepajokvanji.

⁶Lasi nephan kekompet ahotur aphuthak ne haidetpo. La a-Kardomhemthepi along ning arong akehang pen, ne athok-heihei piji. Ne lunji lapen HEMPHU aphan roji.

⁷Ne nangphan nangkehang ahut ne arjutha, HEMPHU! Ne jinsora nethaktha.

⁸Nang pulo, “Vangnon ne archonon,” Ne thakpo, “Ne vangpo, HEMPHU; Ne pen nang chepaturi!”

⁹“Nephan nangning thiri, nangban aphan pachevoilongri. Nang nephan nerapverlo; Ne-ori, lapen nevarri, Arnam nepajok a-Bang.

¹⁰Nepo-nepei ne-obup tahai, bonta HEMPHU ne-oraji.”

¹¹Ne keklemnangji ason nethantha HEMPHU, lapen kejok atovar anat-le nejanon; pima nehotur ongpik.

¹²Ne hotur along ne-otekangri, latum kepachobei lapen kether pen netengkhengpo.

¹³La non akai angbong HEMPHU akeme ne thek-longji pu chechini.

¹⁴HEMPHU aphan chikinon, kekroi pen do-ra, ning cheparun-ri, HEMPHU aphan chikinon.