Read Karbi LUN 29 Bible Online

LUN 29 - Karbi bible

LUN 29

¹Nangtum sining asor HEMPHU aphan ronon, la adak-atur lapen jakong apot ronon.

²HEMPHU adak-atur amen apot ronon, la kangthir-et a-Bang nangcheklang ahut, nang ingduk-ardomnon.

³Talo-heihei athak HEMPHU ase arjulong, adak-atur a-Arnam cheter paklo, lapen la ase talopi adang angtong pale.

⁴La ajakong lapen ahir-asang kedo-an along pen HEMPHU ase arjulong.

⁵Kedar arong HEMPHU ase pen phlak-lo, lapen Lebanon a-Kedar arongta.

⁶Chainong aso kechon asonsi, Lebanon anglong-heihei la pachonlo, Lapen chainong aloso ason, Harmon anglong la pachonlo.

⁷HEMPHU ase sining ame paturlo.

⁸La ase kejejangtang ajo hijuk-lo, Kadesh akejejangtang ajo la hijuk-lo.

⁹Kardomhemthepi arlo abangphutinta, “Arnam aphan anong pathelo” lapen oak thengpi arvo ingprunlo.

¹⁰Langthepi aphuthak HEMPHU pangrilo, la Recho asonsi kaike pangrilo.

¹¹Arat aphan HEMPHU jakongpilo, lapen ningkangsam pen latum aphan pahirjumelo.