Read Karbi LUN 30 Bible Online

LUN 30 - Karbi bible

LUN 30

¹Ne nangphan rolo, HEMPHU, pima nang neraitang-lo, lapen nephuthak hotur atum pachehok longledet-lo.

²Kerap kelongjisi ne nangphan hang-lo, HEMPHU ne-Arnam, lapen nang nepamelo.

³Thiri pen nang nepahelotang-lo, Ne ne-tovar karnuk anatsi chedambomlo, Bonta nang nechethe nepithulo.

⁴HEMPHU aphan kero atum lunnon, laphan kekroithip arat an! Kangthir-et a-Bang kopi klemtang-loma chemathatha, Lapen laphan ronon.

⁵La aningkethi malomsovet, seta La akangjinso ke chethelo, La ekelangpon ke ekai arjon aphanlo. Ejo-natsi chiru nangchotji, bonta adap ning arong vangji.

⁶Ne jokvanlo pusi methang chepulo, “Ne kaita remrelo.”

⁷HEMPHU nang nephan mesen, inglongpi apaisong ason nang nephan neraitang-lo. Bonta nang ne pen chepatulo, anke ne pherelo.

⁸Ne nangphan chonghong-lo, HEMPHU, ne nangphan kerap choningrilo.

⁹“Ne kelu abang pen nang kopisi kelongpo? Ne thiri along kedam nang ale kopi? Kethitang atum nangphan nangro unjima? Nang kechemitmepin akeme, Latum pachethang thekjima?

¹⁰No chedentha, HEMPHU, lapen ingjinsotha! Neraptha HEMPHU!

¹¹Nening ke-oi lar-si nephan ning arong pen pakanlo; Nang nening keduk pondetsi, ning arong pen paplengset-lo.

¹²Lasi ne dojoije, nangphan ne kero alun lunji; HEMPHU nangsi Arnam, Ne kaiketa nangphan nangroverji.”