Read Karbi LUN 32 Bible Online

LUN 32 - Karbi bible

LUN 32

¹Pap-heihei diya kelong atum, lapen kechokche diya kelongtang atum rengme.

²HEMPHU chokche pu kebok jokphlot abang, lapen kechobei kedo-an pen kejok abang rengme.

³Nepap-heihei chekobirbe ahut, ne narlosini kechiru pensi jakong chepavelo.

⁴Ajo lapen anerlo nang nephan adukpilo, HEMPHU, nejakong jutdet-lo. La barla ahut anilo pen kekrengtai akimu ason.

⁵Anke nepap-heihei ne nangchekobirlo, ne kechokche akam an chepatute, lahei kechekobirjisi ne chesik-lo. lapen nang nepap an diyalo.

⁶Lasi akenang ahut, nangphan kekroithip arat atum ardom nangji, Isi langthepi thedung akesung vang seta latum along la lelelo.

⁷Nang ke ne chepatu adimlo, kesung pen nang nepajokpo, asekethe pen nang kepajok alun lunji, pima nang nerailo.

⁸HEMPHU pulo, “Nang kedam nangji atovar ne nangthanpo, Ne nangphan nangpinkhatpo lapen nangparepo.

⁹Kepakroiji aphan arri pen kekhang-nangsot alosei, mate agadha ason cheplangri.”

¹⁰Kehingno atum kesung chechak nangpo, bonta HEMPHU aphan kechiki abang, la kechemitmepin akanghon pen railo.

¹¹Nang dhoromi atum an chehok-ra ning cheparongnon, pima HEMPHU klem-et-lo. Laphan kechiki atum an, Ning arong pen hangjonon!