Read Karbi LUN 34 Bible Online

LUN 34 - Karbi bible

LUN 34

¹HEMPHU aphan ne kaike choroji, laphan kero ne ingtonkok ke.

²La keklemtang an ason apot ne laphan roji; kechenek kepho atum arjutha lapen chehoktha.

³HEMPHU kethe ne pen dang-lok pachethangnang; la amen ili ro rappet lonang!

⁴Ne HEMPHU aphan ardomtang-lo, lapen la nethak-lo. Ne kephere kedo-an pen la nepajok-lo.

⁵Chenek kepho atum laphan cholang-lo, lapen chehok-lo; latum aphan kaita aning parunrelo.

⁶Keduk abang laphan hang-lo, lapen la thak-lo. Latum akesung kedo-an pen la pajok-lo.

⁷HEMPHU aphan man kepi abangphutin aphuthak, La apherangke honlo, lapen latum akesung pen pajok-lo.

⁸HEMPHU ko-an me ma nang chomatnon, laphan chepachong atum an rengme.

⁹La arat an HEMPHU aphan man pinon, laphan kekroi atum an kenangji ason an longpo.

¹⁰An kelonglesi hingho ingchirlo, bonta HEMPHU aphan kekroi atum an, akeme ason tang-rerelo.

¹¹Vangnon, jirpo riso atum, lapen nelam arjunon, lapen HEMPHU aphan man kepinangji ne nangthanpo.

¹²Mesen pen kai chepajangji nangninghangma? Nang chethe keding lapen kerengme nangjima?

¹³Tangte kehingno alam, lapen kechobei alam ningjeri.

¹⁴Kehingno pen suira akeme klemnon; nangning kedo-an pen ningkangsam hungnon.

¹⁵Dhoromi aphuthak HEMPHU lang-lo, lapen latum akeningri thak-lo,

¹⁶bonta kehingno akam keklem atum aphan la khang-lo, Lasi latum thilote latum aphan tengnedap muchot.

¹⁷Dhoromi abang HEMPHU aphan hang-lo, lapen la arjulo. Latum akesung kedo-an pen la pajok-lo.

¹⁸Aningkerun atum adungsi HEMPHU dolo; kadokave aningkethe kavedet atum aphan la pajok-lo.

¹⁹Keme amonit kesung ongdung, bonta lahei kadokave pen HEMPHU laphan pajok-lo. Lapen kenangji ason an longpo.

²⁰Laphan HEMPHU rai pamelo; la areppi ehongta palok-longle.

²¹Kehingno akamsi kehingno abangphan pathipo. Dhoromi aphan kehijim abangphan aduk pipo.

²²HEMPHU arat aso aphan pajok. La along kechepachongdam abangphan pareng-longpo.