Read Karbi LUN 4 Bible Online

LUN 4 - Karbi bible

LUN 4

¹Ne ardomlote nethaktha, Arnam, ne-Rai a-Bang! Ne kesung ahut, nang nerap-lo. Nephan ne ingjinsora ne kardom ne arjutha.

²Rat atum ni ko-ansi nangtum ne pinrempoma? Ko-an si alekave amar aphan inghonpoma, Lapen ahok-he aphi phi dunpoma?

³Bonta chininon, amethang aphansi, HEMPHU dhoromi aphan ingvaitang-lo, Lapen ne laphan kehang ahut Alangli ne thak-po. Nang thi seta pap klemri.

⁴Kephere klemhurra pap keklem-onon; laso alam mathapame non. nang methang ahongplang athak kesang ahut, laso aputhak matha parsiktha.

⁵Ahok athok-heihei HEMPHU aphan pinon, lapen laphan nang chikithipnon.

⁶Ongdung atum ardomlo, “Ne pahirjume-o-tha, O HEMPHU. Netum aphan ingjinsotha!”

⁷Bonta halatum asok, ahor pen kelong ko-an aning arong-loma, la an sose nang nephan ning arong nepilo.

⁸Ne tilai lote, nemek janglongpameji; Nang inutvetsi nephan nerai pamethekchot, O HEMPHU.