Read Karbi LUN 41 Bible Online

LUN 41 - Karbi bible

LUN 41

¹Keduk atum aphan kematha abang rengme; latum kesung ahut HEMPHU rapdun.

²HEMPHU latum aphan raiji, lapen achethe padolongji; det along Alangli latum aphan, ning arong pen padolongji; Alangli latum aphan hotur atum arideng hodaide.

³Latum keso ahut HEMPHU rapji, lapen latum aphan pamethuji.

⁴Ne pulo, “Ne nangphan langplotsi pap klemtang-lo, HEMPHU, nephan ingjinsora nepametha.”

⁵Ne hotur kepherememe alam nephuthak ningjelo, ne kethi lapen nephan ketengne-etji latum aninghang-lo.

⁶Nephan nekelangji kevang atum an athikpet atum kali, nephuthak lamjuno si latum pangrum, lapen damsi bithe-bitha la thantap-lo.

⁷Ne kehijim atum lahei alam chepalamso, nephuthak kehingnonei ason mathalo.

⁸Latum pulo, “La aphu sopik-lo, la keso ahongplang pen cherap-het-lo.”

⁹Ne kechini ajirpo netum an-charvang rappet abangta nebe thurlo.

¹⁰Ne ingjinsotha HEMPHU, lapen ne keso nepametha, lapen ne hotur aphan ne alarhuipo.

¹¹Latum ne hai un-elo, lapen ne chini nang nephan nangning dok-o.

¹²Nang nerappo, pima ne kopisi kechokma klemlo, nang nephan nang ingno kaiketa nebiverpo.

¹³Israel a-Arnam, HEMPHU aphan ronon! Laphan non lapen kaiketa ronon! Amen! Amen!