Read Karbi LUN 42 Bible Online

LUN 42 - Karbi bible

LUN 42

¹Thijok-le langso kangsam kerivung ason, ne nangphan chingtung-lo, Arnam.

²Kereng Arnam, ne nangphan ingit-lo, ne komantusi nang ingno archodam longpoma?

³Ajo-nerlo ne hang-lo, mekri-mek-lang ne-an plang-lo, arnivangta ne hotur nephan arjulo, “Nang Arnam konat-lo?”

⁴Kedamtang alam chemathadamlote, nening donodak titi, Rat pen ne HEMPHU ahem kedam ahut, Latum kedambom ahut nejaponlo, Ning arong arat atum lun lunlo, Lapen hangsi Arnam aphan rolo.

⁵Kopisi ne la-an ning ke-oiloma? Ne Arnam aphansi ning chethepo, Lapen puthot ne laphan ro thupo; Nepajok a-Bang lapen ne Arnam.

⁶Ladak ban kedam along nening donolo, lasi ne alangliphan mathalo.

⁷Ne karjong aphuthak la ningke-oi adihu nangtoilo. Langthepi asonsi kevir arki nenat ingrong-lo. Harmon lapen Mizar anglong pen Jordan along, keklo alangsun acheter asonlo.

⁸Anerlo, HEMPHU kechemitme akanghon paklangnang, ansi ajo ne lun dopo, Arnam aphan ne chethe akardom.

⁹Arnam nekechedanpi a-Bangphan ne pulo, “Nang kopisi netengne loma? Ne hotur atum arideng pen kopisi, Ne la-an kesung chechaknang-loma?”

¹⁰Latum nepinrem apot ne ingjirlo, latum ne arjubomlo, “Nang Arnam konat-lo?”

¹¹Ne kopisi la an ningduk nang-loma? Ne kopisi la-an sungnang-loma? Arnam aphan nening chethe, Lapen laphan puthot ne ro thuji, Ne pajok a-Bang, lapen ne-Arnam.