Read Karbi LUN 43 Bible Online

LUN 43 - Karbi bible

LUN 43

¹Arnam nedai ave pu pachethangnon, lapen arnam kave atum pen nechedanpitha; kechobei lapen kehingno atum pen nepajoktha!

²Nang nekerai a-Bang-lo; nang kopisi ne-obup loma? Ne hotur arideng pen kopisi ne kesung chechak nang loma?

³Nang akethe-ang lapen ahokpet nangtoinon, la nepajok longnon lapen Zaion, nang Kangthir Anglong along, lapen nang kedo Akardomhemthepi along neponthunon.

⁴Anke ne nangdovan along dampo, O Arnam; nang helo nening karong atiri. Nangphan ne kumbeleng pen kero alun lunpo, Arnam ke ne Arnam.

⁵Ne kopisi la-an ning-oi nang-loma? Ne kopisi la-an sungnang-loma? Arnam aphan nening chethepo, Lapen laphan puthot ne ro-thupo, Nepajok a-Bang lapen ne-Arnam.