Read Karbi LUN 44 Bible Online

LUN 44 - Karbi bible

LUN 44

¹Netum ano pen la arjulong-lo, O Arnam, nephusar atumsi laso alam nethanlo, Halatum arni ahut thedung akam nang keklempi alam la hako ahut.

²Kekroikre atum aphan nang kosonsi phlung-loma? Lapen nangrat aso alongle nang pathirpilo, Lapen akaprek akhei atum aphan, Nang kosonsi adukpiloma, Lapen nang methang amonit aphan Nang pachingthurlo.

³Nangrat aso anokjir pensi, bangso adet chepa HEMPHU long-lo lapu kali, latum ajakong penle kehai i-long kali, la nang jakong lapen nang kangtang pen apot, nang kedodun pen ajok nang, latum aphan kanghon paklang-lo.

⁴Nang ne recho lapen ne-Arnamlo, nangrat aphan nang pahailo ,

⁵lapen nang jakong pen ajok, hotur aphan aphi pacheruilo; netum nehotur aphan nangmen pen kengber bisi paremlo.

⁶Ne nethai aphan mate nenokjir, nephan nepajokji pu chikike;

⁷bonta nang nehotur atum pen nepajok-lo, lapen netum aphan kehijim atum aphan nang paremlo.

⁸Arnam along netum chepindakji, Netum kaiketa nangroji, lapen nangmen aphan kaiketa kero piji.

⁹Bonta non nang netum aphan ne-obup-lo, lapen netum aphan paremtoilo, netum aron-armu along nang nangdodundedet-lo.

¹⁰Hotur pen nang netum aphan pakat-toilo, lapen netum arideng kedo an latum chepa HEMPHU-lo.

¹¹Biresak kepathi asonsi, nang netum aphan pathilongtoilo, bang adet nang netum aphan papratseilo.

¹²Asap-o anam pen nangrat aso aphan, latum anam kavedet asonthot nang chojordet-lo.

¹³Nang kopima netum aphan keklem, adung arei atum lang-lo, lapen latum ne chongthuisi, netum aphan ne ingnekchoilo.

¹⁴Nang netum aphan bang akhei angbong, isi kepinrem amar nepinchong-lo; latum netum aphan langremlo.

¹⁵Ne kaiketa mahang thi-i-vok-lo, ne ketherak nangsi plengset-lo.

¹⁶Nehotur atum lapen netum aphan, kehijim atum anokan kechebi, lapen netum aphan kangton arjulongsi ne therak nangpik-lo.

¹⁷Netum nangphan tengnenedet seta, mate nang netum pen kechejok alam phriphredet seta, la kadokave netum aphan plang-lo.

¹⁸Nangphan netum kekroikre pu avelang, nang hukum-heihei netum kekroikre avelang.

¹⁹Seta marat-mareng angbong, nang netum aphan osi, kerap palongledet-lo; kangtingnei anglongsi nang netum aphan ne-otekang-lo.

²⁰Netum jongsi netum Arnam aphan karcho olo, lapen bang adet a-arnam aphan ardomlo pulote,

²¹nang la chinilongji, pima netum kematha karsik anta nang chini.

²²Bonta la nang joinesi kaita netum thinang-lo, netum biresak kethi asonsi thinang-lo.

²³Mek-prangnon, HEMPHU kopisi nang mekjang-loma? Nang methang thurnon! Netum aphan kaike nedengmorinon!

²⁴Kopisi nang netum pen chepatu loma? Netum kesung kechechak lapen akesung tengneri!

²⁵Netum longle athak klorup-lo; longle aduk ajo remdetsi netum tilailo.

²⁶Vang-ra netum aphan rapnon! Pima nang kechemitme akanghon apot nepajoktha.