Read Karbi LUN 46 Bible Online

LUN 46 - Karbi bible

LUN 46

¹Arnam ke netum chepachong adim, lapen netum ajakong-lo, kesung ahut kaike nekerapjisi chesikding-lo.

²Lasi netum phererelo, pirthe jongsi chikli vang setame, lapen inglongpi, talopi aklong inglim setame,

³talo ingnor setame, lapen plikplak-o setame, lapen inglong-heihei chehijuk setame, phererelo.

⁴Arnam arongsopi aning arong kevan alangroi do, la ha kangtuinei a-Bang Kangthir ahem an.

⁵Arnam ke halaso arongsopi along dolo, lapen la kaita pavirvelo; adapprang la kerapjisi vangpo.

⁶Khei atum pherelo, det-heihei hijuk-lo; Arnam sining ame paklolo, lapen pirthe ingjirlo.

⁷Jakongkethe HEMPHU elong do, Jakob Arnam ke echong-lo.

⁸HEMPHU kopi klemloma vang-ra nanglangnon.

⁹La pirthe adang ron pangtonlo; la thai-heihei ingdilo, chir-heihei pavirlo; lapen chong-heihei me thordut-lo.

¹⁰“Ron ingtonnon,” la pulo, “Lapen dojoira donon, Ne Arnamlo. Det-heihei angbong aketheneilo; Pirthe athak akethenei a-Bang-lo.”

¹¹Jakongkethenei HEMPHU elong do; Jakob a-Arnam echong-lo.