Read Karbi LUN 48 Bible Online

LUN 48 - Karbi bible

LUN 48

¹HEMPHU kethedung lapen e-Arnam arongsopi La Anglong kangthir along keromeme atheng.

²Zaion, Arnam anglong ingtuiving lapen langmepik; rechokethe arongsopi pirthe adang an ning arong vanlo.

³Paisong kedo arongsopi arlo ason. Arnam pen jokvan pu paklang-lo.

⁴Recho atum chingrumsi, Zaion Anglong ketengkhengji vang-lo.

⁵Bonta latum la thek-longsi latum manghulo, latum pheresi kat-lo.

⁶Hadak kephere lapen klemhursi latum aphan hung-lo, Oso mahang kepathek a-arloso asonsi sung-lo;

⁷Tomonpi telongpi aphan kepontap asonlo.

⁸Arnam kopisi keklemloma netum arjulong-lo, lapen non e-Arnam arongsopi along, Jakongkethe HEMPHU aphan eli thek-long-lorlo, Rongsopi la raiverpo.

⁹Nang Kardomhemthepi arlo O Arnam, netum nang kechemitmepin akanghon alam mathalo,

¹⁰Nahokta rat atum nangrover, lapen nangnong pirthe adang bithe-bitha chethang-lo. Nang ahok akangsai pen pangrilo.

¹¹Zaion arat aso pachehoknang! Nang ahoksi ingsailo; Judah arongsopi-heihei along, Ning arong padonang!

¹²Muluk a-Arnam, Zaion adang helatnon, lapen hem kangtuinei lakhanon.

¹³Paisong-heihei langnon lapen asat ennon, anke nang aphi a-ove aphan than longpo:

¹⁴“Laso a-Arnam ke kaike aphan netum a-Arnamlo, La kevangji arni ha kethi anta ejaponpo.”