Read Karbi LUN 5 Bible Online

LUN 5 - Karbi bible

LUN 5

¹HEMPHU nelam arjutha, Ne kematha arjutha.

²Ne kerap kehang keningri arjutha, ne Arnam lapen ne Recho!

³Ne nangphansi ardomlo, O HEMPHU; adapprang nese nang arjulong-lo; adapprang la ne ardomlo , lapen nang pen kethak aphan chonghong-lo.

⁴Nang ke kechokche akam aning kedok a-Arnam kali, nang ingno kehingno aphan pekpe.

⁵Anekethe amonit angno nang arjapje, kehingno amonit kedo-an aphan nang hijimlo.

⁶Kechobei atum an aphan nang pavirlo, lapen kephangno kepachorei amonit aphan nang hijimlo.

⁷Bonta nang kanghon kethe apotsi ne nanghem vang-unlo, ne nanghem kangthir archo unlo, lapen man pen nangphan ardom unlo.

⁸HEMPHU, ne hotur ongpik, nangning kehang aling keklem thekjile nephan janon; ne nang tovar kedam thekjile nephan pachinipamenon.

⁹Ne hotur atum kepu alam ke kaita chikino; latum kaita kepavirjisi aninghang. Latum alam inglit-o lapen naipik, Bonta kepathi, pachobei pensi plengset.

¹⁰Hingno hok-ra latum aphan adukpinon O Arnam; Halatum amethang akemang, Amethang aphan kevir paplangnang. Latum aphan nang ingno pen phlung-etnon, Pima latum apap do-olo, lapen latum nangbe-thurlo.

¹¹Bonta nanglong kejok atum an chehokpo. Latum kaita chehoksi lunpo. Nangphan kechinghon atum aphan raitha. Pima nang pen ajoksi latum ahokpet rengmelo.

¹²Nangphan kekroi abang aphansi, nang pahirjume O HEMPHU; chong asonsi nangkanghon latum aphan railo.