Read Karbi LUN 50 Bible Online

LUN 50 - Karbi bible

LUN 50

¹Jakongkethenei Arnam, HEMPHU pulo, Nihang pen Nichi pirthe adang an aphan la hang-lo.

²Zaion pen Arnam pathe-ang-lo, la kelangmenei arongsopi.

³Etum Arnam vangbomlo, bonta vangjoije; La aphrang me akar dolo, La adung arei sining ame lapen asomar komchenlo.

⁴La arat aphan la kangsaiji, la sining lapen pirthe aphan, haki pachoji aphan hang-lo.

⁵La pulo, “Nephan kekroithip arat nelong pangrumnon, athok adan-heihei ajok Ne pen kechejok atum an.”

⁶Arnam dhoromi lo pu sining-heihei pachethang-lo, lapen la amethangsi kangsai a-Bang-lo.

⁷“Arjutha, nerat aso atum, lapen Ne ningjepo; Israel, nangbe thursi Ne haki chopo. Ne Arnamlo, nang-Arnamlo.

⁸Nangtum athok-heihei, lapen kephrin athok-heihei, nelong kaike kevan apot Ne ingchekchelo.

⁹Nang chainong aroi pen chainong alo, Ne nanghanghelo mate bi ahur pen bi hanghelo.

¹⁰Marat api an lapen suri anglong-heihei, athak kedo achainong an nemarlo.

¹¹Nampi avo lapen hidi kereng-et api anta nemarlo.”

¹²“Ne jongsi ingchirlote, ne nangtum aphan an nangchohanghe, pima pirthe lapen la along kedo-an amar nemarlo.

¹³Ne chainong a-ok cho ma? Mate bi-heihei avi Ne junma?

¹⁴Nangtum akero kepi, la Arnam aphan kepi athok paplangnang, lapen nangtum kechak ason anta, Jakongkethenei a-Bangphanle pinon.

¹⁵Kesung kevang ahut nehangnon, Ne nangpajokpo, Anke nangtum nephan ropo.”

¹⁶Bonta kehingno aphan Arnam pulo, “Ne hukum-heihei kopisi nangtum ningjekong nangpo? Ne Kechejok Aloh alam kopisi nangtum chethankong nangpo?

¹⁷Nangtum aphan Ne kepakengji, nangtum chechakchelo. Nangtum nehukum dengmolo.

¹⁸Nangtum kethek-long an akanghu atum ajirpo plang-lo, lapen nangtum beisa keklem atum an pen chelang-lo.”

¹⁹“Nangtum kaiketa lamjuno keningje chesik-lo; kechobei alam keningjeji nangtum chak-hik-helo.

²⁰Nangkorte atum aphan kedinji, nangtum chesikverlo. Nangpei apok asopo aphantalo

²¹Lahei nangtum klemlo, lapen Ne nangpupedet-lo. Lasi neta nangtum asonlo pu nangtum mathalo. Bonta non Ne nang ingchek-lo, Lapen laso alam than pachinidak-lo.”

²²Laso alam arjutha, “nangtum nelam karjuje atum aphan, kalite Ne nangtum aphan nang-ingsek-i-po, lapen nangkepajok abang baduta avelo.

²³Kero kepi helo nephan man kepi athok-lo, ade kechekhang lapen nephan kekroi an atum aphan Ne pajokvekpo.”