Read Karbi LUN 54 Bible Online

LUN 54 - Karbi bible

LUN 54

¹Nangjakong pen nepajoktha, O Arnam, nangjakong pen nephloktha!

²Ne kardom arjutha, O Arnam; nelam-heihei no chedentha!

³Anekethe amonit atum netengkhengjisi vang-lo, kephangno amonit atum nekepathiji bor-i-lo latum Arnam aphan mathathe.

⁴Bonta Arnam ke nekerap a-Bang-lo, HEMPHU si nekechedanpi a-Bang-lo.

⁵Ne hotur atum amethang akehingno arisimchot pen, Arnam halatum aphan aduk papinang. Latum aphan la pavirdetpo, Pima la kekroithirklong.

⁶Nangphan ne chehoksi athok nangpipo, O HEMPHU; nangphan ne kero piji, pima nang mesen.

⁷Ne kesung kedo-an pen nang nepajok-lo, lapen ne hotur atum kerem nethek-long-lo.