Read Karbi LUN 55 Bible Online

LUN 55 - Karbi bible

LUN 55

¹Ne kardom arjutha O Arnam, ne kechoningri pen suiri!

²No chedenra, ne thaktha; ning ke-oi pen ne ainihak-lo.

³Ne hotur atum nephan kether apot ne therakpik-lo, kehingno atum akechenek pen ne lerhap-lo. Latum nephuthak kesung vanlo.

⁴Ne pherepik-lo lapen kethi, kepherememe nephan borthip-lo.

⁵Ne kephere lapen ne-ok klemhurlo, kepheresi nephan nehaidet-lo.

⁶Vothung ason neta ne arveng do asonte, ne ingjarsi sanglongji apot-lo.

⁷Heloving an ingjarpo, lapen kejejangtang ajo dopo,

⁸Mongve lapen tomonthepi pen, ne prapjin pen chepachong adim longpo.

⁹Pavirnon O HEMPHU, Nehotur atum alam parlin-parlo-etnon, O HEMPHU! Rongsopi along vi kepabu, lapen kethurkrap atum ne thek-long-lo.

¹⁰Ajo anerlo ta la komchenlo, lapen la pran-karmut lapen kesungsi plengset,

¹¹Kevir nahokta dolo, tovarpi-heihei along kechenek, lapen kechobei pen plengset-lo.

¹²La jongsi hotur plangra, nephan ne chongthuilote, la pen ne chechak unji pen chepatuji.

¹³Bonta la nangtum nejirpo atum, ne pen chelangrap-rap nejirpo atumlo.

¹⁴Etum lahin lahin ning arlo alam chethanlo, lapen kardomhemthepi arlo archo rap-rap-lo.

¹⁵Apor nanglele ako ne hotur atum pathi-etnang. Akereng amat chom arong latum padamnang! Latum ahem-heihei lapen aning arlo kehingnosi dolo.

¹⁶Bonta ne HEMPHU Arnam aphansi kerap chohang-lo, lapen la nepajokpo.

¹⁷Adap anerlo chitim lapen ajo ne kechoningri lapen kar-em la along arludamlo, lapen la nese arjupo.

¹⁸Ke-ongdung ne hotur atum pen, kechedan aron pen la pajoksi nevanthupo.

¹⁹Arnam jutjepin adim pen kepangri a-Bang, nephan arjusi latum aphan parempo, pima latum chelarmolo, lapen latum laphan phererelo.

²⁰Ne pen aphrang kechelangrap, ajirpo atum aphan tengkheng-lo, la akechechak-heihei chephrilo.

²¹La alam chulang apo apar naimulo, bonta la aning arlo kehijim dolo; jangthu asonsi la alam ingduk, bonta la kereset anokjir asonsi latum chorlo.

²²Nang kesung an HEMPHU aphan o non, lapen la nang chedanpipo; athikpet amonit aphan la paremtoite.

²³Bonta nang O Arnam, pran-karmut atum, chobei atum akai achethe, ebeng lele ako Arnam latum aphan thiri along vanpo. Ne ke nangphan nangchikipo.