Read Karbi LUN 56 Bible Online

LUN 56 - Karbi bible

LUN 56

¹Nephan ingjinsotha O Arnam, pima nephan tengkhengtang-lo; kaiketa ne hotur atum nereng pasolo.

²Arnikangthim nebe kethur atum netengkheng-lo. Nebe thursi kechedan atum do-o.

³Ne kephere ahut, O Jakongkethe HEMPHU, nangphansi ne chikilo.

⁴Arnam aphan ne chikilo lapen phererelo, la kechechak apot ne laphan roji. Monit chot-le nephan kopi neklem-unpo?

⁵Arnikangthimta ne hotur atum nephan pasung-lo, latum kaita nephan kosonsi pasung thekjima pusi mang-lo.

⁶Kechepatu adim latum chingrumlo, lapen ne kopisi keklemma langjoilo, nekepathiji aning chethelo.

⁷Halatum kehingno apot aduk pinon, O Arnam, ningkethi pen laso arat aphan paremnon!

⁸Nang chini ne ko-an sung-loma? Nemekri keli phong ko-an loma nang lakhasi bilo, Lahei nang-loh along toktema?

⁹Nangphan ne kehang arni pen, ne hotur atum chevoipo. Ne la chini Arnam ke nenat-

¹⁰HEMPHU akechechak-heihei apot ne rolo,

¹¹Laphansi ne chiki lapen phere athai ave, monit chot-le nephan kopi klemthekpoma?

¹²O Arnam, ne kechechak ason nangphan nangpipo, nangphan kero kepi adan ne pipo.

¹³Pima ne kethinangji pen nang nepajok-lo, lapen nephan paremredet-lo. Lasi ne Arnam angno, lapen kerenglang aphuthak, Ketur akethe-ang ajo ne helat-lo.