Read Karbi LUN 57 Bible Online

LUN 57 - Karbi bible

LUN 57

¹Ne ingjinsotha, O Arnam, ingjinsotha, pima kechepachongjisi ne nanglong vang-lo lapen chikilo. Tomonthepi hamhetik nangvengkong, abin along ne chepachong-lo.

²Kangtuinei Arnam aphan ne hang-lo, ne kenangji ason an nekepador a-Arnam aphan.

³La sining angsong pen thakpo, lapen nepajokpo; lapen nephan kechenek atum aphan la paremdetpo. Arnam la chemitmepin akanghon, Lapen akekroithip paklang-lo.

⁴Monit a-ok-kecho ahingho atum asonsi, hotur atum nekompet-lo, Latum aso chir lapen thai aso ason; Latum ade kereset anok asonlo.

⁵Sining angsong nang kethe paklangtha, Arnam; lapen nangdak-nangtur pirthe athak paklangtha.

⁶Nephan kenepjisi nehotur atum alan hing-lo, ning ke-oi pensi ne plengset-lo. Ne kedam atovar latum hilik tuk-lo, Bonta latum amethangsi hadak klolo.

⁷Nening kechethe do O Arnam, ne lun si nangphan roji.

⁸Mek-prangnon, ne karjong! Prangnon, ne kumbeleng, lapen kumbeleng chongdeng! Ne arni aphanta ingthurpo,

⁹Ne nangphan khei atum angbong ropo, HEMPHU.

¹⁰Nang kechemitme akanghon sining-heihei pholo, lapen nang kekroithip inghun-heihei pholo.

¹¹Nangkethe sining angsong paklangtha, O Arnam, lapen pirthe athak nangdak nangtur paklangtha.