Read Karbi LUN 63 Bible Online

LUN 63 - Karbi bible

LUN 63

¹Arnam, Nang ne-Arnam; lapen ne nangphan chingtung-lo. Ne kedo-an nangphan ar-ilo; Isi kekreng lapen kanghong, langkave alongle ason, Ne karjong nangphansi ingit-lo.

²Nanghem Kangthir along nangphan nepathek-longtha, nangjakong lapen nangdak-nangtur ko-an thema nepalang longtha.

³Nang kechemitmepin akanghon ke chethe apar memulang, lasi ne nangphan nangroji.

⁴Ne rengtik an nangphan ne kero piji, neri chirungsi ne nangphan ardomji.

⁵Ne karjong chojunji lapen ingkrangji; lapen ne nangphan kechehok alun-heihei lunji.

⁶Ne hongplang athak tilai ahut, ne nangphan chemathalo. Jopangthang ne nangphan mathalo.

⁷Pima nang nephan rapverlo, nangvengkong aharchi arum nening arong alun lunlo.

⁸Ne nangphan cherip-het-lo, lapen nangri nephan pajok-lo.

⁹Nephan kepathiji kebor-i atum chom arong sun-dam nangpo.

¹⁰Ron along latum thinangpo, lapen abang arpum mahar chopo.

¹¹Pima laphan Arnamsi pahaipo, recho aning arongpo. Arnam amen pen kechechak atum an laphan ropo. Bonta kechobeichot angho dipthippo.