Read Karbi LUN 64 Bible Online

LUN 64 - Karbi bible

LUN 64

¹Ne kesung-lo, Arnam ne kardom arjutha! Ne hotur atum aphan ne pherelo, ne chethe nepajoktha!

²Kehingno atum kepavirji kemang pen neraitha, lapen kehingno amonit atum kethurkrap pen pajoktha.

³Nokjir-heihei asonsi latum ade charso, lapen thai-aso asonsi lamkangtang pen jong-lo.

⁴Latum ketherak-thekthe kechobei alam pachethang paprap-lo. Latum keme amonit aphan kedintap pen pavirlo.

⁵Latum lahin lahin halatum kehingno, akemang alam ning chepathe seroipo; latum kodak adimsi pham tot nangjipu mang-lo. “Lahei baduta thek-longle,” pusi halatum chepulo.

⁶Latum kehingno akam mang-lo lapen ningjelo, “Netum pran karmutji aphan akemang chok-limlo,” Monit aning lapen angthin isi chini un-e. Kehingno akam keklemji aphan chesik-et-lo pusi chepuhurlo.

⁷Bonta lahei aphan Arnam athaiso ap-lo, lapen latum men men amek dolo.

⁸Halahei ade kelangno alam apot lahei latum aphan pavirpo; lahei kethek-long atum aphu chehijukpo.

⁹Latum kedo-anta pherepo; latum Arnam keklemtang ason mathapo, lapen la akam thanpo.

¹⁰HEMPHU keklemtang apot dhoromi atum an aning arongpo. La along latum kejok longpo, Keme amonit atum an laphan ropo.