Read Karbi LUN 72 Bible Online

LUN 72 - Karbi bible

LUN 72

¹Nang dhoromi pen kangsaithekjile, recho aphan thannon O Arnam, nangmethang ahokpet akangsai laphanta thannon.

²Ansi la ahok akangsai pen nangrat aphuthak pangripo, lapen kechenek-ot kepho atum aphan dhoromipet pen charithekpo.

³Det untik pachingthurnang; la dhoromi pachinilongnang.

⁴Keduk atum aphan recho ahok akangsai pen pangsai pamelonang; keboi aphan la parapnang lapen latum aphan kechenek atum paremnang.

⁵Arni theangtik an, chiklo atur pitik an; kevangji akai seta nangrat nangphan parchobomnang.

⁶Hidi-heihei ajo arve ason recho paplangnang, longle athak keklo a-arve ason.

⁷La akai angbong dhoromi paliphlemnang. Lapen chiklo atur dotik an pachingthur bomnang.

⁸Ehin a-Talo pen a-Talo kaprek an, Euphratis pen pirthe kejut an la adet paledamnang.

⁹La angno kejejangtang ajo arat atum pardomnang, La ahotur atum anta longle athak tithorsi ardompo.

¹⁰Spein lapen lang-lom-heihei arecho atum laphan dan-heihei vanpo, Sheba lapen Seba arecho atum anta laphan dan-heihei vanpipo.

¹¹Kadokave arechota laphan ardomripo, kedo-an adet laphan ingdukpo.

¹²Keduk atum laphan kehang atum an aphan la pajok-lo, keboi lapen kelangle abang kave atum aphantalo.

¹³Jakongkave lapen keduk aphuthak la jinsolo, keboidet atum achethe la pajok-lo.

¹⁴Halatum aphan la kechenek, lapen avi kepabu pen la pajok-lo. La angno halatum achethe ador do-o-lo.

¹⁵Recho achethe padingnang! Arob pen laphan ser papinang; Laphan kaike apor seta pardompivernang. Kaiketa Arnam ahirjume la aphuthak padovernang.

¹⁶Det adang sok-sang dorphlup padonang, inglong-heihei anta sok padipthip-lonang. Lebanon asonthot athe pamesenlonang. Hidi le bap keplengset ason thakthak, Rongsopi-heihei rat paplengsetnang.

¹⁷Recho amen kaita patengnene detnang, arni ason la anong padovernang, Arnam latum aphan kepahirjumejile, La recho aphan kepahirjume asonthot; Det kedo-an pahangnang.

¹⁸Israel a-Arnam HEMPHU aphan ronang! Lahei kemanghumeme akam la inutvetsi keklem unchot.

¹⁹Kaiketa la anong amen parovernang! La adak-atur pirthe adang paplengsetnang. Amen! Amen!

²⁰La helo Jesse asopo David akardom-heihei kejut-lo.