Read Karbi LUN 74 Bible Online

LUN 74 - Karbi bible

LUN 74

¹Lason nang netum aphan kopisi ne-obup loma, O Arnam? Nang nangrat aso aphan kaike nangning thiver poma?

²Aphrang pen nangmethang aphan kangvai, ban kedo pen nang latum aphan vansi nangmethang akhei pinchong-lo. Zaion Anglong nang ephong kedo adim chematha damtha.

³Kardomhemthepi along asontin, netum ahotur atum kepavirtang lahei abui athak nang damput tha.

⁴Nang Kardomhemthepi arlo nang hotur atum hai si hang-lo, kehai angthek hadak latum lama-heihei tarlo.

⁵Latum kelang thengpi kepi amonit atumle, acho hongni pen thengpi kepi ason.

⁶Latum acho-heihei lapen avek kedo akibu-heihei pen, thengpi aden kedo-an hek-et-lo.

⁷Latum nang Kardomhemthepi kuruk lapsi la me keidut-lo. Latum nangphan karcho adim pasa-urlo.

⁸Netum aphan latum neberlam khangjangjisi aninghang, det kangthir adim alongtin latum me kei-et-lo.

⁹Kedo-an netum kangthir angthek-heihei ave-et-lo, montri inutnatta avelo, lason ni ko-antong dopoma baduta chinine.

¹⁰Ni ko-ansi netum ahotur atum, nangphan ingnekchoipoma, O Arnam? Latum nangmen kaiketa papinrem longverpoma?

¹¹Kopisi nang netum aphan kerapji moloma? Kopisi nang nangri chehinpring loma?

¹²Bonta nangke kecheng pen netum arecholo O Arnam. Nang netum aphan ongdung aphong pajoktang-lo.

¹³Nang jakongkethe pen nang talo ingphailo, lapen talo api-heihei aphu thengrop-lo.

¹⁴Leviathan pu talo api aphu-heihei ta nang arburop-lo, lapen sangti ajo api aphan la a-ok pacholo.

¹⁵Nangsi lang amek pinchong-lo, lapen lang pangbop-lo; thedung aroi seta nang pakreng-lo.

¹⁶Anerlo lapen ajo nangsi pinchong-lo, arni lapen chiklo nangsi adim-heihei bilo.

¹⁷Pirthe ahoi nang bilo, barla lapen ningkreng nang pinchong-lo.

¹⁸Bonta chemathatha, O HEMPHU, nang hotur atum nangphan ingnekchoilo, latum Arnam ave lapen nangphan pinremlo.

¹⁹Kerap kave nangrat aso aphan o-ri lapen hotur arideng hodairi, areng keso nangrat aphan nang tengneri!

²⁰Netum pen nang kechejoktang aloh chemathatha. Det ajo kangting adim an vi kepabu dolo.

²¹Kechenek kepho atum aphan patherak-longri; hala keduk lapen keboi arat atum nangphan paronang.

²²Nangmethang thurhamnon, Arnam; lapen nangmethang aphan chedannon! Chemathatha, Arnam kave arat atum losini losini, Nangphan ingnekchoitang-lo.

²³Nang hotur atum aningkethi pen kehang tengneri, nang hotur atum si kaita hangjobomlo.