Read Karbi LUN 76 Bible Online

LUN 76 - Karbi bible

LUN 76

¹Judah along Arnam aphan chinipet, Israel adet la amen man pipet.

²La Jerusalem along ahem do, Zaion Anglong athak la dolo.

³Hadak hotur atum athai-aso la ing-lok-lo, halatum achong-heihei lapen anok-heihei; halatum arisim an ing-lok-lo.

⁴Nangdak-nangtur lang me-o, O Arnam, inglong pen nang kechevoi ahut hadak nang hotur aphan nang keparem adim kelang pherememepik.

⁵Halatum angthin kethe ason, lapen halatum kedo-an phlok-et-lo, lapen non kethi amek-kejangsi janghet-lo; halatum akangtang lapen asai kedo-an akam vangvedet-lo.

⁶Latum aphan nang kether ahut, Jakob a-Arnam, losei pen hala kardon atum klobop-bop-lo.

⁷Bonta nangphan HEMPHU, kadokaveta pherepet. Nangning thilote, nang ingno baduta arjap un abang ave.

⁸Nang kangsai nang sining pen pachinilo. pirthe pherelo lapen doklip;

⁹Pirthe athak kechenek kepho atum aphan, kepajokjisi nang kangsaiji kethur ahut; pirthe asor pherelo lapen doklip-lo.

¹⁰Monit aning-kethi ke nangphan kerosi vangthurong, ron along kerenglang atum nang arong-aje talonpo.

¹¹Nang Arnam aphan kechechak ason dan vanpinon, nang adung-arei adet atum alangliphan dan vannon. Arnamsi monit atum alangliphan papheretoilo.

¹²Anekethe arechoso atum aphan la pabihek-lo, lapen rechokethe atum aphan la papherelo.