Read Karbi LUN 8 Bible Online

LUN 8 - Karbi bible

LUN 8

¹HEMPHU, netum a-HEMPHU, pirthe adang nang kethe thek-long-lo!

²Nangphan kero sining-heihei an letang-lo, la osomar lapen oso thi-i atum lunlo, Nang ke nang hotur kedo-an pen jokvanlo, Nangphan kekhamkhe abangphan nang khang-lo.

³Nang kethiptang asining ne lang-lote, nang halatum adim-heihei kebi achiklo, lapen achiklolongso aphan lang-lote,

⁴monit-le kopima, nang laphan kematha-e-ver; monitchot aphan nang lapu-an kematha?

⁵Pima laphan nang nangber chotsi thip-lo, nang laphan adak-atur aman pen, recho aphutup ason kup-lo.

⁶Nang kepinchong amar asontin aputhak, kepangrijisi laphan nang battang-lo; kepinchong amar an aputhak laphan, kangtui anghoi nang bat-lo:

⁷Biresak lapen chainong, lapen ingnam api atum,

⁸votek voso lapen lang-ok, lapen talo arlo kedo-an api atum aputhak pangritoilo.

⁹O HEMPHU, netum a-HEMPHU, Nang kethe pirthe adang an thek-long-lo.