Read Karbi LUN 85 Bible Online

LUN 85 - Karbi bible

LUN 85

¹HEMPHU netum adet aphan ingjinsobomlo, nang Israel aphan puthot pachingthurthulo.

²Nangrat apap-heihei nang diyalo, lapen halatum akechokche an lakhakhedet-lo.

³Latum aphan nangning kethi pangtonkok-lo, lapen nangning kepung chekhang-lo.

⁴Netum aphan nevanthunon, lapen netum aphan ning kedokde ingtonnon!

⁵Netum aphan nang kaike nangning thiver poma? Nangning kethi hamheloma?

⁶Nang netum aphan karjong pangtangthuthe loma, anke netum, nangrat atum nang-ingno ning cheparongthekpo.

⁷Nang kechemitme akanghon netum aphan paklangtha, O HEMPHU, lapen nang kepajok akerap netum aphan pitha.

⁸HEMPHU Arnam kopisi kepuma, ne arjudunding-lo, alangli netum aphan, netum jongsi netum kelu atovar chedamthuthe lote, amethang arat aphan ningkangsam chechak-lo.

⁹Chenamsi alangliphan man kepi an atum aphan, alangli kepajokji chesik-lo, lapen la akejok etum adet along doverpo.

¹⁰Kanghon lapen kekroithip chetongpo, dhorom akam lapen ningkangsam chebampo.

¹¹Monit atum akekroi pirthe pen angsong chejotpo, lapen Arnam adhoromipet akam sining pen arum nanglangpo.

¹²HEMPHU etum aphan epangthir-thupo, lapen etum alongle athe chorot-long-o-po.

¹³HEMPHU aphrang dhoromi akam dampo, lapen laphan tovar sikpipo.