Read Karbi LUN 88 Bible Online

LUN 88 - Karbi bible

LUN 88

¹HEMPHU Arnam nepajok a-Bang, narlosini ne hang-lo, lapen jirlo nang ingno ne vang-lo.

²Ne kardom arjutha, ne kerap kechohang no chedentha!

³Kesung ake-ongpi nephuthak nangklohupsi, ne thiji dok-dok-lo.

⁴Bang kethijipu kangkorang atum asonlo, ne ta, nejakong kedo-anta damphak-lo .

⁵Nephan kethitang atum angbongsi ne-obup-lo, neke kethupet abang atum halatum atipit arlo ketilai asonlo. Nang halahei aphan tengne-et khangjangsi rapdun thekthedet.

⁶Tipit aklongsi nang nephan varthot-lo. Kangtingnei lapen karnuknei ahilik arlo.

⁷Nangning kethi ardi nephuthaksi arbok-hup-lo, lapen la adihu pen berlamlo,

⁸Nangsi nejirpo atum nephan pa-olo, halatum aphan nangsi nepahijimtoilo. Ne arlo chebengchok-lo, Lapen nepajok un-e-lo;

⁹Kepho-ongsi nemek ajakong avelo, HEMPHU, arnivang nangphan nanghang-lo, lapen neri chirungsi nangphan ardomlo.

¹⁰Kethitang aphan nang manghumeme akam paklangma? Latum thursi nangphan nangroma?

¹¹Nang kechemitme akanghon alam tipit arlo chemathahurma, nang kekroithirklong alam kevir adim chethanma?

¹²Kangting adimtong nang manghumeme akam paklang-loma, mate nang kechingkime alam ketengne adettong chemathaloma?

¹³HEMPHU, nangphan ne kerap chohang-lo, adapvang ne nangphan ardomlo.

¹⁴Nang kopisi nephan nedengmoloma? Nang kopisi ne pen chetevar loma?

¹⁵Ne riso ahut penta ne kesung chechak nangsi thiji dok-dok-lo; nang kepi aduk anghor apot ne ainilo;

¹⁶nangningkethi nephan patonglamlo, nang kepherememe atengkheng nepavirdet-lo.

¹⁷Arnikangthim langthepi ason latum nekompet-lo; nephan latum ahin kaprek kaprek anat pen kekom pachekomlo.

¹⁸Ne jirpo kemenei atumta nangsi nephan pa-o-et-toilo, lapen kangting helo ne jirpo plangchot-lo.