Read Karbi LUN 91 Bible Online

LUN 91 - Karbi bible

LUN 91

¹HEMPHU along kechepachongji aphan kedam abang, Jakongkethe a-Bang akerai arideng kedo abang,

²Alangliphan pupo, “Nang nekechedanpi a-Bang lapen nekerai a-Bang Nang ne-Arnam; nangphansi ne chikilo.”

³Kepatu akepherememe pen ta, lapen kethi akeso-heihei penta La nangpajokpo.

⁴La avengkong pen nangdippo, La akelangpon along nang chepachong longji; La kekroithirklongsi nangphan nangraipo.

⁵Ajo nang thangnat akesung, mate anerlo menmen ketengkheng,

⁶mate ajo kevang amavur pen, mate anerlo kehingno-heihei kepathi pen ta phere nangnelo.

⁷Nangdung-nangrei bangsuri isi kethi ketiche do tahai, Nang tebok-terei bangsurikep do tahai, Bonta nang thangta pho nangnedetji.

⁸Kehingno atum aphan kosonsi aduk kepi loma nang thek-longpo.

⁹Pima HEMPHU-ke nangphan nangkechedanpi a-Bang pu nang pinchong-lo, Kangtuinei a-Bang aphan nang kerai a-Bang pinchong-lo.

¹⁰Lasi thang akevir nangphan vangvelo, avi kepabu atum nanghem vangvelo.

¹¹Nang kedo kedam aling nangkeraijisi, Arnam apherangke atum aphan hukum pipo.

¹²Nangkeng arlong-heihei patekung pen pahelojisi, latum ari pen nang-ot-po.

¹³Hingho atum lapen pherui atum, kepherememe ahingho lapen abi kedo apherui anta nang dongbop-bop-po.

¹⁴Arnam pulo, “Nephan nekanghon atum aphan, Ne pajokji lapen HEMPHU pu nekehok abangphan Ne raiji.

¹⁵Latum nanghang lote, ne latum along dodunpo. Ne latum aphan pajokpo, lapen latum aphan man pipo.

¹⁶Chethe keding pen Ne latum aphan nong-e pajirpo; latum aphan Ne pajokpo.”