Read Karbi LUN 92 Bible Online

LUN 92 - Karbi bible

LUN 92

¹Nangphan kero kepi la ko-an akeme, O HEMPHU; nangphan panongsi kelun, O Kangtuinei Arnam,

²adapvang nang chemitme akanghon kepachethang, lapen ajovang nang kekroithirklong pachethang,

³arri kedo kelun-i-ajohton pen, lapen kumbeleng ase pangdukjin pen.

⁴Nang thedung akam-heihei O HEMPHU, nephan pachehok-lo. Pima nang keklemtang apotsi ne ning arongsi lunlo.

⁵Nangkam-heihei ko-an akethe, HEMPHU! Nang kematha-heihei ko-an karsik.

⁶La ke kelu atum kechinine asonlo; akun kave abang la chini-un-e.

⁷Bap ason kehingno abang thebom tahai, kechokche keklem atum chingthur tahai, seta latum aphan pavirdet khangjangpo,

⁸pima nang, HEMPHU, kaike litdong-si dover.

⁹Nang hotur thiji lapen kehingno atum kedo-an remji pu netum chini.

¹⁰Chai asonsi nang nephan pangtang-lo, ning arong pen nang nephan pahirjumelo.

¹¹Ne hotur atum kerem ne thek-long-lo, lapen kehingno atum kechiru arjulong-lo.

¹²Dhoromi atum sotele arong asonsi mepikpo, Lebanon a-Kedar arong asonsi thepo.

¹³Latum HEMPHU ahem ke-e athengpi asonpo, netum a-Arnam a-Kardomhemthepi along mepikpo,

¹⁴arong kesar lirtir lapen ingtangpo.

¹⁵La pen ajok HEMPHU ahokpet lo pu paklang-lo, kerai a-Bang along thangnat akechokche ave.