Read Karbi LUN 95 Bible Online

LUN 95 - Karbi bible

LUN 95

¹Vangnon eli HEMPHU aphan ronang! Ephan ekerai a-Bang Arnam aphan, Eli ning arong alun lunnang!

²La angno kerokepi pen vang-lonang, lapen kero alun-heihei ning arong pen lunnon.

³Pima HEMPHU ke jakong kethe Arnam, arnam kedo-an aphuthak jakongkethe arecholo.

⁴La pirthe adang an pangrilo, karnuk-nei alongku pen kangtuinei anglong an.

⁵La kepinchong a-Talo aputhak, lapen la kethiptang alongle aputhak la pangrilo.

⁶Vangnon, eli ardomra laphan archo lonang; HEMPHU epinchong a-Bang angno, Kengphu patong lonang!

⁷La e-Arnam, eli alangli kelana arat-lo; la kepador abiresak ahurlo. La pini kopi puma, no chedentha:

⁸“Meribah along nangphusar atum ason nangning chepangtangri, halatum Massah along kejejangtang ajo kedo ahut ason.

⁹Hadak latum nephan asat lang-lo, lapen nekam latum thek-long seta angthek hang-lo.”

¹⁰Ningkan phlikep lahei amonit pen, Ne kehijimsi kedolo, Ne pulo, “Latum ko-an akekroi kaveloma! Latum Ne hukum kekroiji molo.”

¹¹Nening thi-si semetang-lo, “Ne nang kepasanglongji alongle along nangtum kai seta lutdam longlelo.”