Read Karbi LUN 96 Bible Online

LUN 96 - Karbi bible

LUN 96

¹HEMPHU aphan lun kemi alun lunnon! Pirthe adang HEMPHU aphan lunnon!

²HEMPHU aphan lunra, laphan ronon! La etum aphan epajok-lo, pu abirta-keme arnivang pachethang non.

³Khei atum aphan la adak-atur pachethang non, lapen rat kedo-an aphan la thedung akam-heihei an.

⁴HEMPHU thedung lapen kerovek nangji atheng-lo; arnam atum kedo-an apar laphansi man kepi nangji atheng-lo.

⁵Akaprek adet atum a-arnam ke kumlinchot, bonta HEMPHU ke sining-heihei thip-lo.

⁶Adak-atur lapen ahir-asang laphan komchenlo, jakong lapen alon si la Kardomhemthepi plengset.

⁷Pirthe adang arat an HEMPHU aphan ronang, la adak-atur lapen jakong apot ronang.

⁸HEMPHU adak-atur amen apot ronang, dan vanra la Kardomhemthepi arlo vangnon.

⁹La nang cheklang ahut, Kangthir akelangme a-Bang angno nang ingphun patongkinon.

¹⁰Det kedo-an aphan punon, “HEMPHU si recholo! Pirthe adimsi bi pathirlo lapen hijuk un-e-lo. Rat aphan la ahok-akangsai pen ingsaipo.”

¹¹Chehoknon, pirthe lapen inghun asining, ingrongnon, talo lapen nanglong kedo api an;

¹²Chehoknon, hidi lapen nanglong kedo ason an!

¹³HEMPHU kepangrijisi pirthe kevang ahut, la ahok-akangsai lapen akeme pensi pirthe arat an pangrilo.