Read Karbi LUN 98 Bible Online

LUN 98 - Karbi bible

LUN 98

¹HEMPHU aphan lunkemi ejir lunnon; Alangli; manghumeme akam klemtang-lo! Alangli methang ajakong lapen kangthir akangtang pen, Alangli ron chepahailo.

²HEMPHU la kehai pachethang-lo; alangli kepajok ajakong det-heihei aphan la pachinilo.

³Kekroi lapen chemitme akanghon pen, Israel arat aphan kechak ason, Alangli latum aphan klempilo. Bithe-bitha arat kedo-an etum Arnam, Kehai thek-longpet po.

⁴Pirthe adang HEMPHU aphan ning cheparong-ra lunnon, lun-heihei lapen ning arong pen hangra laphan ronon!

⁵HEMPHU aphan kero alun lunnon! Kumbeleng pen ate-ot ardengnon!

⁶Pong-ut-heihei lapen muri-heihei butnon, lapen netum Arecho, HEMPHU aphan; ning cheparong-ra hangnon.

⁷Talo lapen la along kedo-an api ingrongnon; pirthe lapen la along kedo an lun lunnon.

⁸Nang langroi atum, nangri chardepnon, nang inglong atum, HEMPHU angno, ning arong pen lun rappetnon,

⁹pima la vangsi pirthe pangripo. Ahok-akangsai pen lapen akeme pen alangli pirthe adang pangripo.