Read Karbi SARLAMTHE 13 Bible Online

SARLAMTHE 13 - Karbi bible

SARLAMTHE 13

¹Kereset asopo apo laphan pa-keng lote, la aning chebi, bonta kecheparoka abang alang kechokchelo pu chekrongkre.

²Kemesen amonit halatum alamthe apot nong-e-longji, bonta kechobei atum kephangnoji aphan rivung.

³Nang lam keningje cheretu lapen nang chethe cheraitu. Lam keningje kecherere abang amethang chepavirlo.

⁴Keselet abang pine ason kelongji aphan un an aninghang seta la longle. Inut keklem chepaduk abang aning kehang aling ason longji.

⁵Angthikdut abang kechobei hijimlo, bonta ajat-kelangno atum alam ketherak lapen kepinrem pen plengset.

⁶Dhoromi akam adaikave abang-phan railo; ajat-kelangno akam ke papi atum akevirlo.

⁷Ajehak atum keplang ason cheparje, bonta thangnat ta ave. Akaprek atum keduk cheparje, bonta akhi do-o.

⁸Keplang-o abang amethang ache-the chepajokji aphan tangka padam nang-lo, bonta keduk aphan baduta papherere.

⁹Dhoromi atum keklarbong atur ason; kehingno atum amelur mepthippo.

¹⁰Kecheparoka ke thangta ale ave, bonta sungchot. Bang keparetoiji aphan kechoningri abang remuchot-lo.

¹¹Ko-an ma nangkhi kelong kejoi, lasonthotsi kedam ta prapji. Ko-ansi la kelong kesungma, la anlo la nangkedoji.

¹²Ningkethe ruhup lote, nangningta runhup, bonta nangning kehang chekok lote, nangning arong pen plengset.

¹³Nang jongsi mesen kepare alam dengmolote, nang kesung chohang-lo; La hungnon lapen nang jokpo.

¹⁴Kere atum akethan alam-heihei chethe alang amek lo; lahei nangkai kesung kepho ahut kejok kelongji aphan nangrappo.

¹⁵Kereset atum man long-lo, bonta chikino abang kevir atovarsi do.

¹⁶Mathathekser abang kaita keklem aphrang latum matha, bonta kelu abang alang kechinine ason chepaklangdak.

¹⁷Kechikino apherangke atum pasung, bonta kechikiklong atheng atum ningkangsam van.

¹⁸Badutame kecharli thekthe abang dukji lapen langropji. Badutame kepakeng charjuding abang aman doji.

¹⁹Nangning kehang aling kelong ko-an akeme! Kelu atum kehingno atovar pen kesuiji molo.

²⁰Kereset atum along chelang dunnon lapen nangta reset po. Nang jongsi kelu atum pen pajirpo lote, nang virdetpo.

²¹Nahok ta papi atum along kesung dunkri, bonta dhoromi atum aphan akeme ason pen nong-e pajirji.

²²Keplang amonit asumar aphan akai pamotekang longji, bonta papi atum akhi dhoromi atum aridengsi dampo.

²³Ketikike ahidi keduk abangphan ongdung asok patheji, bonta ahok-he abang la saipatikiji pen khang-lo.

²⁴Nangsopo aphan jongsi nang aduk pipete, laphan nang chinhonhe det po. Nang jongsi chinghon lote nang laphan pakengji.

²⁵Dhoromi abang kechoji aphan dorphlup do, bonta kehingno abang kaiketa ingchirver.