Read Karbi SARLAMTHE 15 Bible Online

SARLAMTHE 15 - Karbi bible

SARLAMTHE 15

¹Lamdok alam kethak ningkethi pame, bonta lam-kangtang la aning pathilo.

²Kere abang alam gian pahung lo, bonta kebuiklui atum angho pen amovangve alam barlo.

³Bithe-bitha kopi plang-loma HEMPHU chini; alangli ephan me hingno akam keklem langbomlo.

⁴Lamkangsam chethe pilo, bonta angthin kave alam-heihei nang karjong pangjir.

⁵Nangpo nangkethan alam karjumo lake kelu akamlo; alangli akepakeng kedeng abang kesung ahut lahei chepangbo-etji.

⁶Dhoromi amonit akhi chebirti, bonta kehingno abang apor vangve ako lahei chepangbo.

⁷Kere atum gian pachethang, kelu atum pen ajok kali.

⁸Kemesen abang ardomlote HEMPHU aningdok-lo, bonta alangli along kehingno abang kevan athok-heihei hijimlo.

⁹Kehingno atum atovar-heihei HEMPHU hijimlo, bonta akechokpet akam keklem abangphan inghonlo.

¹⁰Nang jongsi kechokche akam klemlote, nangphan aduk-inghoi pikji; jongsi nangmethang chepakengke pulote nang thi nangji.

¹¹Kethi atum apirthe along kopisi kedoma kechiniji HEMPHU aphan khang un-e, tangte monit aning kematha alam kosonsi Arnam pen patu-unpo ma?

¹²Kepinrem atum bang kepakeng aningdokde; Keremuchot atum pen latum kaita kepareji aphan chohanghe.

¹³Rat atum chehok lote, latum ingnekdunpo, bonta halatum aning-oi lote, latumta aning runpo.

¹⁴Kereset atum kecharliji aninghang, bonta kebuiklui atum kechinine pensi aning chepajang.

¹⁵Keduk atum akai ke chemitmepin akechedan, bonta kereng-me atum akai kaita aning-chepajang long-lo.

¹⁶Plang-o pen sungthurong mute kedukvok pen HEMPHU aphan kephere memu.

¹⁷Kechehijim angbong ok-an kecho mute nangkechinghon atum angbong hanparvo kecho dun rong methumu.

¹⁸Kesedeng abang lam pachedan, bonta ningkedingsi ningkangsam kevan.

¹⁹Nang jongsi selet lote, nahokta nang kesung chetongpo, bonta nang jongsi angthikdut lote, nang sungse lo.

²⁰Kere asopo ke apo aphan parengmelo. Kelu abangsi apai aphan hijim.

²¹Kebuiklui atum halatum akelu akam pen aning cheparong, bonta kere abang kopisi akechokma klemji.

²²Kedo-an akepare un an en dunnon, lapen nang kam chunpo; La penpete nang kam chunchelo.

²³Athik apor ahut lam ke me kevar dun-et thek la ko-an ning-arong!

²⁴Kere atum ke akai karlubom atovar anatsi dambom, kethi anat kesundam atovar anat kali.

²⁵Kecheparoka amonit ahem-heihei HEMPHU pavirji, bonta alangli hemepi akhi raiji.

²⁶Kehingno akematha HEMPHU hijim lo, bonta alangli kangsam alam aningdok lo.

²⁷Nang jongsi ahok-he pen ale ri bor-i lote, nanghemtun aphan kesung vanpo. Tangka kejoi chori lapen nangchethe dingpo.

²⁸Thakthe aphrang kemesen amonit atum munthiji. Kehingno atum kethak chat-o, bonta la kesung vanji.

²⁹Kemesen abang ardomlote, HEMPHU arju, bonta kehingno abang-phan alangli arjuje.

³⁰Kangnek-hing amek nangphan parengme, lapen birta-keme nangphan ningparong.

³¹Nangphan kepakeng ahut nang nocheden lote, nang kere abang lo.

³²Nang jongsi kecharli molote, nangmethang chepahingno lo. Nang jongsi kepakeng deng-lote nang remuchot lo.

³³HEMPHU aphan man kepi la isi loh akecharli. Man dengji aphrang nang chepabihek nangji.