Read Karbi SARLAMTHE 16 Bible Online

SARLAMTHE 16 - Karbi bible

SARLAMTHE 16

¹Ning akemang-heihei monit alongsi do; bonta kejutsi alam akethak-ke Arnam aridengsi do.

²Nang asontin keklem chokpet pu matha tahai, bonta nangning kerip alam HEMPHU ingsailo.

³Nangkam kemang aputhak hirjume kedojile HEMPHU aphan hodainon, lapen lahei nang akemang ason pachunpo.

⁴HEMPHU kepinchong asontin ta la, akepatudam adim do; lapen kehingno atum akejut ke kevir.

⁵Kecheparoka abangphutin aphan HEMPHU hijim; alangli latum aphan aduk-inghoihe pin pen padam longle.

⁶Chingkimesennon lapen kroithip-non, lapen Arnam nangpap diya po. HEMPHU aphan kroinon lapen nangphan thang akehingno vangvelo.

⁷Nang HEMPHU aphan aning padok lote, nanghotur aphan nang pajirpo unpo.

⁸Ahok-he pen kangdat kelong-o mute ahokpet pen kangdat kelongchom memu.

⁹Nang keklem akam mang tahai, bonta Arnamsi nangkam langji.

¹⁰Arnam ajakong pen recho ningje; alangli kephar kaiketa chokpet.

¹¹Ahokpet alin lapen kelin-heihei HEMPHU aningdok-lo lapen kejor asontin mesen nangji.

¹²Recho atum kehingno langding un-e, pima ahok-akangsaisi isi det-pungri pangtang.

¹³Ahok alam karjuji recho aninghang lapen la keningje abangphan aningdok lo.

¹⁴Kere abang recho aphan aning keparongji bor-i po; recho jongsi aning-thihak lote, mane abang thinangkok tahai.

¹⁵Chungjir apor inghun arve vansi parengphun ason thak-thaksi recho aningkedok lapusonlo.

¹⁶Ser lapen rup kedo apar bidi lapen gian kedosi methu parlang.

¹⁷Tovar kedamthek atum kehingno olo; lasi nang konat kedam ma chelangnon-la nang pran pajokpo.

¹⁸Anekethe ke kevir anat jalo, lapen cheparoka ta kevir anat ponlo.

¹⁹Inut cheparoka lapen kethitang amar kecho endun apar mute chepabihek pen dukvok kedo memu.

²⁰Nangphan nangkethan ason aputhak no cheden pamenon, lapen nang chunji; HEMPHU aphan chikinon lapen nang rengmepo.

²¹Inut reset, arlengkesar aphan akechini thek pensi chini un. La alam ko-an akedokma, la an la pakroithek lo.

²²Kereset abangphan bidi ke kai along amek lo, bonta kelu abangphan kethan ke isi apor chepadam chot lo.

²³Aning-reset atum latum keningje aphrang matha; latum kepu alam ke ajor do.

²⁴Kanghon ke pijo alang ason kechomat dokjok lapen nang ok aphan mesen.

²⁵Nang kopima akechok atovarlo pu kematha kethi anat damrong tahai.

²⁶Kamklembang akar-i laphan kam keklem pachepaduk tahai po, pima la akangchir la chepangkrangji aninghang-lo.

²⁷Kehingno atum bang aphan kepasungji atovar rilo, latum alam-heihei jokta kephangno alam chorilo.

²⁸Kechepalamso alam kehingno atumsi pachethang-lo; latum kepa-sungji chorung-lo lapen jirpo an chephangno lo.

²⁹Avi kepabu atum ajirpo atum aphan pachobei lo, lapen halatum aphan kevir anat jalo.

³⁰Nangphan amek kecharvi lapen angtur kechinghipthip atum aphan langpame; latum nangphan pine akehingno mathalo.

³¹Dhoromi anong-e ke chethe keding helo; achu kelok ke anong aphutup lo.

³²Kangtangrak aphan mute chepa-ningding menei lo. Rongsopi-heihei aphan kehaidet mute nangmethang aning-kecheber un menei lo.

³³Arnam aning kehang kechiniji aphan monit atum khadot pathulo, bonta Arnamsi la kethakji aphan pharji.