Read Karbi SARLAMTHE 17 Bible Online

SARLAMTHE 17 - Karbi bible

SARLAMTHE 17

¹Kechebohongsai akecho amei along kechodun mute ning ing-samjin pen him akreng kecho memu.

²Giani aban ahemphu asopo amo-kevangve abangphan pangripo lapen amar penang an chepahemphu-dunpo.

³Ser lapen rup aphan me pensi asat kelang, lapen monit aning HEMPHU-si asat enlo.

⁴Kehingno atum kehingno asai alam arju, lapen chobei atum kechobei alam arju.

⁵Nang jongsi keduk arat aphan ingnekchoi lote nang halatum aphan kepinchong a-Arnam aphan langremlo. Bang akopai kelangno ahut nang chongthui dunrong lote nang duk phoji.

⁶Akesar atum asumar apot chehok-lo, pinsomar atum halatum apo ahem pen ajok ane chepathelo.

⁷Man kedo atum kechobei alam ningjeje, lapen kelu atum ajor kedo alam ningje ason ave.

⁸Ajehak amonit atum matha (rosopot) tangka pen kebai lake mekbin ason; halatum mathalo la ajatta klem un.

⁹Nang jongsi monit atum nangphan aningpadokpetji pulote, halatum nangphan kechokche keklem ahut diyanon. Chemathanon kechokche ason jirpo phangno thek.

¹⁰Inut kelu abang batai pharo arengkeso pen kecharli apar inut reset abang ephong ington kecholong pen ansose charli thekmu.

¹¹Kepasungji kechorung kehingno amonit atum aphan aning kesedengkak apherangke kevang asonsi kethi vangpo.

¹²Ajehak kelu atum ningjoino akam kecheborphrong along kechetongdun apar asomar kethipontang athokvam api kechetong memu.

¹³Nang jongsi keme alar kehingno pen hui lote nanghem pen kaike ta kehingno kak ke det po.

¹⁴Lamthama kechedan kecheng ke langteng kangten kecheng ason; la li-o e ako ingtonkoknon.

¹⁵Adai kave abangphan kedintap mate kehingno abangphan HEMPHU hijimlo.

¹⁶Kelu abang tangka padamra pacharli seta ale ave, pima la kematha ajakong ave.

¹⁷Jirpo atum kaita halatum akechinghon paklang. Kesung ahut cherap-re tangte kopi akorte lo?

¹⁸Inut kematha thekthe abangsi bang apreng alam chechak dunchotji.

¹⁹Pap aning kedok ke kepasungji aningkedok lo. Nang jongsi chepin-dakver lote, nang kesung kaiketa kechori lo.

²⁰Kehingno kematha abang chingthurthe, lapen keningjetap akevir si longchotji.

²¹Asopo kelu akam keklem chot abang apo aphan thangnat ta kali bonta ningke-oi lapen keningri si vanpichotji.

²²Ning cheparongchen lote nang ok dovai ason pameji. Ahuttin ning cheparunhup lote lake thijoi akeso ason reppi pakrenghak-lo.

²³Tangka kecho akangsai atum tangka en chonghulo, lapen ahok akangsai klemkle lo.

²⁴Aningkere abang kere akam anatsi jongji, bonta kelu abang ahintinta chenghoiji.

²⁵Inut kelu aso apo aphan aning parun lapen apai aphan kehodak aning pajangje lo.

²⁶Adai kave abangphan adai kepatu ke akeme kali; kemesen amonit atum aphan aduk pilote ahok-akangsai pacheholo.

²⁷Ajehak atum amethang aning chetheklong ason dolote lam ningje-oe. Kedojoi amonit atumsi ahok lam-acho kedolo.

²⁸Keluvok abang seta la dojoi lapen angho chingpupe pulote laphan ta reset lapen aningkere abang-lo pusi matha pon tahai.