Read Karbi SARLAMTHE 2 Bible Online

SARLAMTHE 2 - Karbi bible

SARLAMTHE 2

¹Ne nangkethan alam an charlinon, sopo, lapen ne nangpaklemtoi akam an tengneri.

²Kere alam arjunon lapen la kechiniji bor-inon.

³Ahok-lo, gian chohangnon; acho alam aphan choningrinon.

⁴Rup lapen ajehak kepatu akhi aphan kechepaduk asonthot laphan ri chepaduknon.

⁵Nang jongsi klemlote, kopusonsi HEMPHU aphan kephere nangjima la nang chinipo, lapen Arnam aphan kechiniji thekpo.

⁶HEMPHU si bidi pilo; Alangli pensi gian lapen kechini vang-lo.

⁷Dhoromi ingthikdut amonit aphan Alangli rap-lo, lapen railo.

⁸Bang pen kemesen atum aphan alangli railo, lapen alangliphan kechehodai abangphan alangli tonpiding-lo.

⁹Nang jongsi nelam arjute, kopima akechokpet, ahok-akangsai lapen akemesen ason chinipo. Nang kopima keklem nangji chinipo.

¹⁰Nang reset po, lapen nang gian nangphan nangning parengmepo.

¹¹Nanglam acho lapen akechini si nangphan nangraipo,

¹²kechokche klempor pen nangkhangpo, lahei si nangphan lam kepu pen kechorung kepasung amonit atum pen pahelopo,

¹³lason amonit atum dhoromi akai obupsi pap akangtingsi dolo,

¹⁴lason amonit kechokche akam klemsi aning cheparong-lo, lapen

¹⁵lason amonit aphan chikino.

¹⁶Nangphan lam kenai pen nangke-bai bor-i akhat-kave abangpi aphanta nangkhang unpo,

¹⁷bangpi amethang apenan aphan do pamemelo, lapen bangpi akechechak kangthir alam chetengnedet-lo.

¹⁸Bangpi ahem jongsi nang damlote, nang ke kethi atovarsi kedam asonlo. Hadak kedam ke nang chom anatsi kedamlo.

¹⁹Bangpi along kedam atum an ke nang chiruilonglelo. Alangli jonghe seta chethe atovar anat nang chevoilongle.

²⁰Lasi nang inut kemesen amonit a-arjan en dunsi isi dhoromi akai donangji.

²¹Dhoromi amonit atum ke kechengsi amonit lason atum etum adet dolongji.

²²Bonta det pen kehingno amonit atum aphan Arnam santhorji lapen thengpi arong longle pen kephur asonthotsi phurphlut-lo.