Read Karbi SARLAMTHE 21 Bible Online

SARLAMTHE 21 - Karbi bible

SARLAMTHE 21

¹HEMPHU arideng recho aning ke langjeng ason. La aning kehang alingsi la tevarpo.

²Nang keklem ason an chokpet lo pu chematha tahai, bonta chemathatha HEMPHU-si nangning kehang ingsailo.

³Kopima akechok lapen akeme le klemnon, lahei HEMPHU along athok-heihei kevan apor la aning ingsamlo.

⁴Kehingno atum aphan halatum akemang kangtui lapen anekethesi khang lo, lapen lake pap lo.

⁵Mang pamenon lapen nang dor-phlup longji; nang jongsi keklem-tong var-ret lote nang kaita dordedetji.

⁶Ahok-he pen kelong akhi ave-dapprangji, lahei nangphan kethi amangho lo.

⁷Kehingno atum amethang keche-phangno pen ajok virji; latum kopima akeme keklemji molo.

⁸Adai kedo atum kekek atovarsi dam; adai kave abang kopima akechok akamsi klem.

⁹Kechebohong turlur a-arloso pen kedorap-rap apar hemsarnung athak kedo memu.

¹⁰Kehingno atum kaita kehingno akam aphan ar-ilo; latum badu aphanta kangjinso ave.

¹¹Badutame cheparoka lote la aduk phopo, lapen kemathathekthe abang jokta la pen charlithekpo, inut kereset abang la aphan kethan ason pen charlipo.

¹²Arnam dhoromi abang, kehingno atum ahem kopi plang-loma chini, lapen alangli kehingno atum aphan pavirpo.

¹³Keduk atum ase nang jongsi arjumo lote, nang kerap kechohang ase nang arjujedetpo.

¹⁴Mane jongsi nangliphan aning solote, isi adan kepijoi pen ajok la aphan pangsam un.

¹⁵Ahok-akangsai klemlote, kemesen arat aning arong, bonta kehingno arat atum akevir van.

¹⁶Akeme kematha pen kechepahelo-bom atum abangphutin aphan kethi inghongding-lo.

¹⁷Kedo cheparengme, hor, lapen akeme akecho nangphan paplangple.

¹⁸Keme amonit atum aphan kepasungji pen kebor-i ason kehingno atum amethang aphuthaksi chevanlo.

¹⁹Inut kechebohong turlur kehang-kler a-arloso pen kedorap-rap apar tartar ajo kedo memu.

²⁰Kereset atum akhi pen kedo cheparengme, bonta kelu atum halatum atangka kelong amat latum chodet.

²¹Kangjinso lapen athikpet le donon lapen nang chethe dingpo; akaprek atum ta man nangpipo lapen nanglakhapo.

²²Inut kereset apinpo, kangtang atum, ketonthip arongsopi seta cheraidetpo, lapen halatum kechiki a-arpong-heihei anta pavirlap po.

²³Nang jongsi kesung pen chepaheloji pulote nang kopima keningje cheretu.

²⁴“Kechepindak” amen ke anekethe helo, inut sedengkak amonit lapen cheparoka akam keklem abang.

²⁵Inut amonit kam keklemmo abang amethangsi chepathelo.

²⁶La kopima kelongji aningkehang asonsi klemchot. Inut dhoromi abang pi-un lapen kepi khangkhe.

²⁷Kehingno atum HEMPHU aphan athok-heihei kepajir ahut alangli hijimlo jasemet ke jongsi latum aning kehingno pen la klem lote.

²⁸Kechobei ahaki kekroi ingtungte, bonta kematha pame abang alamthe deng ingtung.

²⁹Dhoromi atum amethang aning chetheklong; kehingno abang ke un an latum palemlem nangkok.

³⁰Monit abidi, aningkere, matha pangchingthek lahei thang akerap vangve jongsi HEMPHU nangbe thur lote.

³¹Ron kechedanji aphan losei pangtonrui thekji, bonta HEMPHU-si la pahai unji.