Read Karbi SARLAMTHE 4 Bible Online

SARLAMTHE 4 - Karbi bible

SARLAMTHE 4

¹Sopo, nangphan nangpo kopima nangkethan le arjudunnon. Nangno cheden dunlote nang kechini longpo.

²Ne nangkethan alam an ta mesen, lasi kedo-anta nangning chebinon.

³Ne bihek ahut, nepo-nepai po-epumvet asolo,

⁴nepo amethang nethanpo. Alangli pulo, “Ne kepu alam nang ning chebinon lapen la tengneri. Ne kepu asonthot-le klemnon lapen nang rengpo.

⁵Bidi lapen lam-acho dengnon! Tengneri mate ne kepu alam patepek-ri.

⁶Bidi ori lapen nangphan nangrappo; laphan inghon non, lapen la nangphan pajokvan po.

⁷Bidi ke-en helo nang keklem nangji akenangsotnei akam lo. Nang jat asonle longseta lam-acho dengnon.

⁸Bidi inghonnon, lapen la nangphan patheji, laphan arbakthipnon , lapen la nangphan man nangvanpipo.

⁹La ke nangphan anongkedo aphutup plangpo.”

¹⁰Sopo, nelam arjutha. Ne nangkepu ason nang mathaparsik tha; anke nang chethe dingpo.

¹¹Ne nangphan bidi lapen akeme atovar kedothekji nangthantang-lo.

¹²Nang jongsi damcherechot te nang tovar baduta nang karjap dunji avelo, lapen nang kat seta nang patekungkelo.

¹³Nang kepinkhat ason kaike chemathathunon. Laphan nang pen padamlongri, nang loh kecharli ke nangkai achethelo; la honpamenon.

¹⁴Kehingno amonit atum kedam aling nang dunri. Kehingno abang a-arjan endunri.

¹⁵La klemrinon! Kehingno pen chepahelonon! La dengrinon lapen nangmethang atovar chedamnon.

¹⁶Kehingno abang kechokche akam klemkletik amekjang thekthe.

¹⁷Kehingno akam lapen kephangno akam ke latum aphan an lapen lang kejun ason lo.

¹⁸Dhoromi kedam atovar ke arni kevang ason, the-ang dangdetik nangklarbom, nangklarbompo.

¹⁹Kehingno abang atovar ajo ason ingtingkuk. Latum chingkoiji bonta latum kopi athaksi patekung-loma latum thek-longle.

²⁰Ne kepu alam nangno chedennon, sopo. Nelam arjunon.

²¹Lahei nangpen pahelo longri. Lahei nang chemathara nang ning chebinon.

²²Lahei kechini atum abangphu aphan chethe lapen ok keme piji.

²³Kosonsi mathanangjima cheretu; nang kematha-heihei atengsi nangkai plangji.

²⁴Ahok-he ason an kaita ningjeri. Kepachobai lapen kekdang alam-heihei nangpen pahelonon.

²⁵Athikpet aningkethe penle aphrang langpakengdingnon; Ketherak pen nang phu pakekjuk-ri.

²⁶Nang keklem ason an mang pamenon, lapen nangtum keklem ason an chok-limpo.

²⁷Kehingno che-o-ra dampakengson non. Keme atovar pen kengkam isita nangphi chiruiri.