Read Karbi SARLAMTHE 7 Bible Online

SARLAMTHE 7 - Karbi bible

SARLAMTHE 7

¹Sopo, ne kopima kepu chematha damtha, lapen ne nangpaklemtoi akam kaiseta tengneri.

²Ne kopima nangpaklemtoi klemnon lapen nang rengpo. Nangmek kecheraiji aphan ne kethan alam keklem cherepame non.

³Kaiketa nanglong ne nangkethan alam nangning chebiver non.

⁴Bidisore aphan nang ingjir asonle matha non lapen lam-acho aphan nang kechephonei ajirpo ason.

⁵Lahei nangphan akaprek amonit apiso pen lapen lamdok a-arloso pen nang pahelopo.

⁶Ephong nehem anghapso pen ne ingtan kelang ahut,

⁷ongdung kechomat longle arisomar atum aphan nethek-long-lo, bonta inut keluvok abangphan langlong pamelo.

⁸La tovarpi akrong ano adung dambomlo, hadak inut a-arloso dolo. Labangso ahem angdenchit la damlo,

⁹arnikangsam kangtingkuk ahut.

¹⁰Laphan bangpi chetongdunlo; bangpi ape-ri kechingthang abang-kechejor abangpi ason lapen keklemjisi mang-lo.

¹¹Bangpi angthin the-o lapen therak-repin pen tovarpi kehelatver abang-lo,

¹²mate tovar ano along arjapdingsi inghongding po, ahut pen ahut tovarpi-heihei along, ahut pen ahut ke hithi along.

¹³Riso aphang athak bangpi ari hongni chebat po, laphan ingjup po, laphan amek along lang-lorsi pupo,

¹⁴“Ne pini athok-heihei pajirlo lapen athok a-ok chotha.

¹⁵Lasi nangphan nangrisi ne nangbarlo. Ne nangphan nangkelongji ninghang lo, lapen ladak nangphan nanglong-lo!

¹⁶Ijip pen ape-kanglit-heihei arong keme apelim ape pen hongplang ne lim pamelo.

¹⁷Hijung aphik, agur, thengkeching angnim pen panempruphlung etum ning chepajang-lonang. Lahin lahin charbak-ra eli ning chepangsam-lonang.

¹⁸Vangnon, adap kevang an etum akechinghon paplengset-lonang! Kanghonseroi penle etum aning chepajang-lonang.

¹⁹Ne penan hem ave. Alang kehelopik adim damlo.

²⁰La ongdung atangka arideng cheponlo lapen hithiruini leletik ke nangchevoive.”

²¹Lasonsi bangpi laphan lamjume pen pacho-ar-i lo, lapen bangpi alamdok along la kroidunhop lo.

²²Kethatji aphan kepon achainong alo, lapen thijok pham kechedan asonsi bangpi aphi la menmen dunlo,

²³hadak thijok aning thai aso ap chok po. La vo le lan arlo kelutdam asonlo-la akai ke kesung phopo pu chechinine.

²⁴Non ke sopo, nelam arjutha. Ne kepu alam arjutha.

²⁵Lapuson a-arloso nangphan nangpahai longri; bangpi aphi aphi dunkriver nangne.

²⁶Bangpi ongdung amonit aphan phangnolo lapen lakha un-e ke-ongdung amonit aphan pathilo.

²⁷Bangpi ahem jongsi nang damlote nang chom arong atovarsi kedamlo. Lake kethi anat tebok-het lo.