Read Karbi SARLAMTHE 9 Bible Online

SARLAMTHE 9 - Karbi bible

SARLAMTHE 9

¹Bidi ahem chikimlo lapen la aphan anujok hongthroksi soitang-lo.

²La kechopi amei aphan pi ejon thulo, drakha-horlang along mosala patip-lo lapen tebul athak batsar-lo.

³La bangpi man aphan rongso kangtuinei adim pen pahang damtoilo:

⁴“Vangnon jung-jung atum!” Lapen kelu abangphan la pulo,

⁵“Vangnon, ne an nangchodunnon lapen ne kepangvuitang ahorlang nangjun duntha.

⁶Kechinine asat ason che-onon, lapen donon. Gian atovarle hungnon.”

⁷Kepinrem abang aphan kepakeng ke nang ingtonsi cholongpo. Kehingno abangphan nang ingchek lote, nangsi ning-oipo.

⁸Kepinrem abangphan kaita pakeng-ri; la apot la nangphan nanghijimpo. Bonta nang jongsi kere abangphan pare lote, alangli nangphan man pipo.

⁹Kere abangphan nang kepu alam an laphan paremuchot po. Dhoromi abangphan nang kepu ason an la agian pabatpo.

¹⁰Keresetji aphan kechengsi nang HEMPHU aphan man pithek nangji. Kangthir Abangphan nang chini lote, nang kechini dopo.

¹¹Bidi nangchethe aningkan nangbat dunpo.

¹²Nang jongsi bidi dolote alekedo abang plangpo, lapen nang jongsi la dengmolote nang kesung kepho nangji abang plangpo.

¹³Kechepalu ke asekethe, kechi-nine. Keberek-ang a-arloso asonlo,

¹⁴bangpi amethang ahem anghap alongsi ingniji mate rongso kangtui-heihei adimsi ingniji,

¹⁵lapen dampri-dampro amethang akam kechematha-e abangphan hangdun po:

¹⁶“Vangnon, kechini atum!” Kelu abangphan bangpi pupo,

¹⁷“Kechonghu alang ke dokmuchot. Kechonghu ahim chomemuchot.”

¹⁸Kepho atum bangpi ahem damlote thiji pu chechinine, lapen kelutdamtang atum non chom arongsi dolo puta chinine.