Read Karbi THANPARE 10 Bible Online

THANPARE 10 - Karbi bible

THANPARE 10

¹Ejon abitu kethitang ebong ajangthu nempru angnim panemthu-un, lapen asap-o akelu kethenei abidi pamo-un.

²Inut kereset abang keme akam keklem lake pirthe aronlo, lapen inut akelu aphan ke isi akechokche akam keklem ke aronlo.

³Tovar kechetong bangphutin kechinine abang la akelu chinipet; alang inut akelu abang pu la bangphutin aphan pachinipet.

⁴Nangphan jongsi kepangri abang ningthilote nang menmen kam che-ori; kechokche thedung seta diyadet tahai, nang jongsi chepabihek lote.

⁵Ladak isi ahok-he akangsai dolo. Kepangri atum kepaklemtoi ahok-he akangsai ne pirthe athak thek-long-lo.

⁶Kelu atum aphan jakong kedo anghoi pisi keplang atum aphan langlelo.

⁷Ban abang losei athak lapen arlengkethe abang ban atum ason akeng pen kedam ne thek-long-lo.

⁸Nang jongsi hilik hut lote ladak nang chingkoiji; nang jongsi arpong et lote, pherui archuji.

⁹Nang jongsi arlong kepanghang akam klem lote arlong pen cheroji. Nang jongsi thengpi rok lote, la keklem pen cheroji.

¹⁰Nangcho jongsi rere lapen arsoselote, la keparisimji aphan nang chepaduk nangji. Aphrang pen chesik etsi akeme.

¹¹Pherui kepakan thekchot thang ale ave, jongsi kepakan aphrang nang parchulongjok lote.

¹²Kereset abang alam pen aman chevan, bonta kelu abang amethang alam-heihei pen chepavir.

¹³La keningje kecheng amat alam ahommot ave lapen pangchamjam pensi pajut.

¹⁴Kelu abang ke soilem-bomver. Baduta chinine, kopisi aphi plangjima, lapen eli thilot aphi kopi plangjima baduta chinine.

¹⁵Anut kaprek kelupik abang hem atovar chechininesi kam keklemtap pen chepalakchot.

¹⁶Det arecho jongsi risohek lapen la akejalin atum jongsi jopangthang chojunchot pulote labangso adet sungji.

¹⁷Bonta det arecho amethangsi lam kechephar abang kejalin atum apor ateng pen cho-junsi amethang chekhang pen hor chepangri-o-e adet lason amuluk kelong ke akopai.

¹⁸Inut abang jongsi sarnung kechedipji seletduk pulote, la arve liji lapen hem krepji.

¹⁹Chojun nangning parongji lapen drakha ahorlang nang pachehokji, bonta la sonnita nang tangka avete long-le.

²⁰Recho aphan chodinri, dojoi pen seta, lapen nangkut angdeng along seta keplang abangphan chodinri. Pima voso birta ponsi nang kopima kepu halatum aphan thandet tahai.