Read Karbi THANPARE 11 Bible Online

THANPARE 11 - Karbi bible

THANPARE 11

¹Lang-heihei athak nanghim varnon lapen ajirdingklui aphi nang ale chelongthuji.

²Un an tangka ronnon, pima dak pirthe nangkai aphuthak kopi akehingno plangjima nang cheputhekthe.

³Nahok-le erong athengpi kli setame, la kekli adimsi tilongji. Inghun plengset ahutsi arve jang.

⁴Nang jongsi botor keme, lapen tomon keme loksi chonghongji pulote nang kaita cho-e lapen chorot thekthelo.

⁵Arnamsi jat ta pinchong-lo lapen arloso apok arlo kopusonsi chethekemi kedothek kechini un-e asonthotsi Arnam kopisi klemloma nang chini un-e.

⁶Adap lapen arnikangsamta nang chili riknon. Pima nang chinine kolo abangsi meji mate sonnita kemesenji nang chinine.

⁷Kethe-angke mesen, arni kedo ahut ning chepangsam me-o.

⁸Nang kereng-long aningkantin apot choro nangji. Ko-ansi nangchethe dinglong-loma lapu apot kali, bonta nang ajirding-o aphrang kethilotnangji abang-lo pu chemathadam nangji. Aphrang kecholangdingji akam ave.

⁹Ok-kengjang atum nangriso ejang akai pen ning chepajangnangji. Nangning kehang aling klemnon, lapen nangning kar-i aphi phi hungdunnon. Bonta nang chematha nangji nang keklem asontin Arnam nang ingsaiji.

¹⁰Jat ason seta nangphan paningri longri mate ning pasolongri. Nang pariso mate pa-okarjang longverve.