Read Karbi THANPARE 4 Bible Online

THANPARE 4 - Karbi bible

THANPARE 4

¹Ansi pirthe athak keplang kehing-no ason an aputhak ne langthulo. Kechenek kephonang atum chiru nang-lo, lapen baduta halatum aphan kerapji abang avedet-lo. Halatum aphan baduta kerapji abang ave, pima kechenek abang halatum aphuthak jakong dolo.

²Kethitang lapen kedamtang atum aphan ne cho-ar-i; kerenglang atum aphan mute halatum memu.

³Lapen ladak pirthe akehingnobom kethek-longlepin amahang kethekthelang atumta mepar.

⁴Rat atum kepachunji aphan ko-an kam keklem chepaduk-loma ne charlitang-lo: atheke halatum adung abangphan lang un-elo. Bonta la ale ave. La jokta tomon aphi kehungdunchot ason.

⁵Halatum pulo, inut amonit ari chehinpring pen amethang kangchir pen chepathe lote kelu abang-lo.

⁶La ahok tahai, bonta inut amonit sangsepin ari hongni pen tomon kenepdun kebor-i aphan mute ong-e pen ning chepangsamthek abang memu.

⁷Kai along ne isi ale kavesi thek-long-lo.

⁸Ladak inutvet kedolong amonit do. Alangli sopo ave, akorte ave, tebonseta kaita klemrok, kaita methang akhi kedotang pen ning ingsamse. Komat aphansi alangli pu-an kam keklempi chepaduk loma lapen kerengme an ason amethang aphan molo? La jokta ale ave, lapen kerengji atovar sungkrung.

⁹Inutvet aphan mute banghini memu, pima banghini klemrappet lote klem chun muchot.

¹⁰Halatum angbong inut abang jongsi chingkoilote inut abang ingthurdun thekpo. Bonta mane jongsi inutvet lote chingkoi seta la hingno muchotpo, pima la aphan kerapji abang baduta avelo.

¹¹Kangsam ahut jongsi banghini mekjang rappet lote ar-omji; bonta nang inutvet kosonsi chepar-om thekpo?

¹²Inutvet aphan keparem-un aketengkheng abangphan banghini atum khang-un. Rithom kepharlem aphamri ingnep muchot.

¹³Inut amonit kedukvok pen amethang adet recho cholong tahai, mate kebeng adim pen recho anghoi an arludam long seta alangli jongsi kesar ahut kepare alam arjuje pulote,

¹⁴laphan apar inut kedukvok ariso bonta kereset abang memu.

¹⁵Dak pirthe kedo-an arat aputhak ne mathalo, lapen ne chechinilo halatum angbong mane ariso abang recho adim enpo.

¹⁶Inut arecho kepangri arat abangphu ahoi avedet tahai; seta la thidet aphi alangli keklemtang akam apot baduta chemathathelo. La seta ale ave. La ke tomon aphi kehungdun asonlo.