Read Karbi THANPARE 6 Bible Online

THANPARE 6 - Karbi bible

THANPARE 6

¹Ne laso apirthe along sodak ahok-he akangsai keklem thek-long-lo.

²Arnam ajehak aphan akhi-adat, man-peng, lapen kechepahemphu amar pipo, ahok la aningkehang aling long, bonta la cholong-le. Mane kaprek chinine abangsi la cholongpo. Lata ale ave, lapen la kadokaveta chokche.

³Inut amonit bang pharo isi asomar do tahai lapen achethe ta ding-o tahai, bonta alangli achethe dinglen seta la jongsi alangli kelongnangji akerengme long-le lapen aron pen chepip longledet pulote, inut bihek a-oso mahang kethek pen kethilot abang memu.

⁴La asomar amahang kethek kemesen kali. La kangting ajo ketengnedet adim ason avedet titi.

⁵La arni kethe-ang kaike aphan thek-longledet-lo, mate kai kopusonma chini longledet-lo, seta la sanglongpamelo,

⁶alangli ke ningkan suri hini anbak kereng-long akam ale kechecholongle amonit aphan apar la sanglongpame abang memu. Jat seta latum banghinita elongnat adimsi damnang-lo.

⁷Inut amonit methang akam kechoklem lake pine kecholongji aphan bonta la kaita dorlo pupe.

⁸Kosonsi inut kereset abang, inut akelu abangphan kememuchotpo? Kai isi angbong kopusonsi kechetong nangjima pu inut dukvok abang kechini la aphan kopi akeme do?

⁹La seta ale ave. Lata tomon aphi kehungdunchot asonlo. Kaike ason ason kedordever aphan mute nang kedo-an amar pen ning chepajang meneilo.

¹⁰Asontin keplang an ajirdingklui aphrang pen pathiktang-lo, lapen ili baduta chini, inut amonit alangphan kangtangmuchot abang pen lam chedan un-e.

¹¹Nang ko-anma lam kechedan, la-ansi la ale ave bompo, lapen kejut ke nang thangnatta ale avedetpo.

¹²Alangli ale kave akai harchi asonsi kedambom akai, la kethihek akai along inut amonit aphan kopisi akemeneipo? Thilot aphi dak pirthe kopisi keplang poma la komatsi chinithekpo?