Read Karbi SOLOMON ALUN 1 Bible Online

SOLOMON ALUN 1 - Karbi bible

SOLOMON ALUN 1

¹Akejumenei Solomon alun.

²Nang ingtur akangjup-heihei pensi nephan pachechapthip; drakha alang aphante nang kanghon memu.

³Nang angnim isi kedokjin do; nangmen arki la chehangthu. Badu a-arloso seta nangphan aning nangdokdete do un-e.

⁴Nanglong nephan neponnon, lapen etum kat-rapjuilonang; nerecho plangra nang angdeng neponnon. Etum ning arong rap-rappo. Jun-onon lapen kanghonlok nangmethang chetengnebupnon.

⁵Aling seta arloso do-an aning nangdokpo, Jerusalem a-arloso atum, ne ikkui, bonta langmepik, kangsamri ajo kedar apehem ason ikkui, bonta Solomon rechohem kebeng ape ason langmepik.

⁶Nereng apot nephan nelangrop-ri, pima arni si nephan pa-ik-lo. Ne ik atum nephan aning thi lapen drakha aberi along kam paklem. Ne methang kechelana apor ave.

⁷Nephan nethantha, ne kechinghon abang, nang konatsi nangpi ahur vi ponpoma? Kodaksi halatum arni keso ahut kesangpo? Kaprek api ahur kevi atum angbong kopisi ne nangphan nangri nangjilangma?

⁸Adim konatma nang chininema, arje kemenei abang? Damra pi ahur aphi phi dunnon; kevi atum apehem adungle nangbi aphan kechopan adim ripinon.

⁹Ne kechinghon abang, Pharaoh alosei ahemkonglong along kedo amonit kechehok ason.

¹⁰Nang ing-om athak nangchu langmepik lapen nangchethok along ador keso alek ason.

¹¹Bonta ne etum rup a-arnan pen ser alek nangphan nang selam pipo.

¹²Ne rechoke amethang ahongplang alongsi ke-i, lapen nejangthu nempru tomon angnim padokjinlo.

¹³Nening kehang abang nening athak nangke-i ahut hijung aphik angnim do.

¹⁴Nening kehang abang Engedi adrakha aberi along kepangphar mir aso angnim ason.

¹⁵Ne kechinghon abang, nang arje ko-an kelangme; nangmek kanghon pen turbong!

¹⁶Nang ko-an athok kedo, Ne kechinghonnei abang; nang kopu-an nening parong-loma! Kelirtir abap etum ahongplang plangpo;

¹⁷Kedar athengpi ahem ajarbop-heihei lapen saipres athengpi ke sarnung aden plangpo.