Read Karbi SOLOMON ALUN 2 Bible Online

SOLOMON ALUN 2 - Karbi bible

SOLOMON ALUN 2

¹Ne Sharon along amir tado, inglong a-arlok apindong.

²Ingsu ajo apindong ason, arloso angbong Ne kechinghon abang.

³Ingnam athengpi arong-heihei angbong Apel arong ason, lasonthotsi ne kechinghon abang kaprek apisomar pen pangbarlote; La aharchi adung kangniji nening hang-o, lapen ne athe chomatsi la dok-lo.

⁴Alangli kecho-kejun aboha along neponlo lapen nephu athak kanghon alama rung-lo.

⁵Drakha athe akreng ahim nejakong parengtha lapen apel-heihei pen nepamitha! Kangtung ongsi ne ainitilo.

⁶Alangliri arvi nephu arum padonang, lapen alangliri ar-e neparbaknang.

⁷Semetangnon, Jerusalem a-arloso atum keprapjin athijok api lapen jok-luso amen pen netum aning kechedok along khamkhedundelo pu semetangnon.

⁸Nangning kehang abang ase ne arjulong-lo. Alangli inglong athak nangkat, ing-longso-heihei parai nelong nangkat.

⁹Neningkehang abang jok-luso athijok ason lapen athijok alo ason. Paisong along alangli arjap. Inghapso pen alangli ardik lapen paivokak pen alangli lang.

¹⁰Neningkehang abang ne pen chingki. Tangte vangnon ne kechinghon abang; neningkedok abang, nelong nangdunnon.

¹¹Ningkreng juttang-lo, arve jangjelo;

¹²Rong ajo mir angphar papulo. Nonke lun kelun aporlo; hidi ajo vothung kekurjo arjulong.

¹³Thebo athe kemen chengtang-lo; Drakha angphar-heihei tomon dokjinlo. La apot vangnon, ne kechinghon abang. Nangning kedok abang, nelong nangdunnon.

¹⁴Longchong kanghang along kechepatu avothung ma nang? Nang chinghonmeme amahang nepalang longtha lapen nang kejume ase neparjulongtha.

¹⁵Nang drakha aberi angphar pavirve ako sirung atum, sirung asomar nep-etnon.

¹⁶Neningkehang abang ke nephan, lapen neke alangphanlo. Alangli pindong ajo alangli pi ahur pachopan

¹⁷adap amonjir vangvetik an lapen kangting katketik an. Chevangthunon, ne kechinghon abang jok-luso ason. Bethel Anglong along kedo ajok-lu alo ason.