Read Karbi SOLOMON ALUN 5 Bible Online

SOLOMON ALUN 5 - Karbi bible

SOLOMON ALUN 5

¹Ne beri along ne luttang-lo, neningkedok, nephan kedoji abangpi. Ne bap nempru pangvui lapen hijung aphik chopangrumlo, Ne pijo lapen pijo alang chobomlo; Ne drakha alang lapen chulang junbomlo. Chonon, neningkedok apinso, lapen junnon kanghon pen ingriretik an.

²Nemekkejang ahut seta nening dover neningkedok abang inghap kepacheng nemang thek-long. Arlo nepavanglongtha, ne kechinghon abang, neningkedok ne vothung api Nephu ke ar-e cham-et-lo. Lapen nechu hunmelan neklothip-lo.

³Nemekkejang achoi chephloktang-lo; ne kopisi chingthang nangpoma? Nekeng ne chechamtang-lo; kopisi ne lahei paterjilangma?

⁴Inghap along neningkehang abang ari bilo, lapen alang tebok-het apot nening hang-olo.

⁵Alangli arlo kepavangjisi ne chesik-lo, Neri hijung aduk aphik pen chinglukung, Angkir abe ke-otdam ahut neri munjong-heihei hijung alangsi chinglukung,

⁶Nangningkedok abang aphan ne inghap ingpudamlo, bonta alangli damtang-lo, Ko-ansi alang ase arju ingtung-loma? Ne alangphan rilo, bonta longledet-lo; Ne alangphan hang-lo, bonta ase arju longledet-lo.

⁷Rongsopi keton atum nephan thek-long-lo, halatum nephan theng pen arbulo; paisong kehon atum ne keche-um ape phlok-lo.

⁸Jerusalem a-arloso atum semetangtha, jongsi nangtum neningkedok apinso aphan thek-long lote, alangphan thantha, ne kechingtung ongsi ainitilo.

⁹Arjekemenei a-arloso, kaprek pen nening kehang abang prekvima? Kopisi alanglilong manghumeme kedoma netum nangphan semeketang nangji?

¹⁰Neningkehang apinso ke athok do-o lapen ingtang-o, alangli bang surikep angbong pen inut-lo.

¹¹La amahang prungdop lapen naibong; la achu takorri, vo-ak ason iksip.

¹²Amek langso kelidung akung avothung ason langmepik. Vothung chulang pen chinglusi lapen langso akung karjapding ason.

¹³La ang-om kelangmepik abap-bi lapen thengnempru keplengset aberi ason. La angtur pindong amir-heihei ason hijung alang aphik pen kecham-e ason

¹⁴La ari thip pame lapen arlongkeme kepangni a-arnansi chethon, la abang kaike arlong kelir-chething kepangni kenaibot a-ingnar aso ason.

¹⁵La akengtham arlong kelok le ser aden athak kebat ason. La arje Lebanon anglong kedar athengpi keding-heihei ason.

¹⁶La angtur kangjup dokpik, la kadokave ason an nening pado-elo. Jerusalem a-arloso atum neningkehang apinso lason helo.